Seite - 382 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition [§ 5] Nachdeme dem schaffler inhalt seines bestandtbriefs ein gewise anzahl heÿ und notturfft stro auf die schaff jahrlichen geraicht würdt, hat pfleger auch sein aufsehen zue haben, daß dem schaffler über die gebür mehrers nit ervolgt und dem hoff viech dardurch ein abgang veruhrsacht werde. Er solle auch dem schaffler über die bewilligte anzahl ihme selbst angehörige schaff und anders viech mehrers zuehalten nit gestatten, auch ihme destwegen kein gail verkhaufen oder anderwerts verwenden lassen. [§ 6] Auf die fenster und thurn soll er acht haben, daß solche durch den windt nit zerschlagen werden, insonderheit aber allerseits so wol beÿ seinem gesündt alß im schaffler hoff allezeit auf das feür , aschen und liecht guete achtung geben lassen, auch das übrige bevorab nachtlich einhaizen winterszeit vlei- sig verhüeten, damit nit irgents schaden darauß ervolge. [§ 7] Er soll auch die notturfft prennholz zue rechter zeit hackhen und zue hauß bringen lassen, damit die underthanen in ihrer arbeit sonderlich nit verhin- dert werden, selbige auch sonsten über die gebühr nit tringen und zue jeder arbeith zeit aber also zum vleiß antreiben, auf daß speiß und broth, so ihnen von alters hero beÿ der herrschafft geraicht wirdt, nit überflüssig gegeben, sondern jede arbeit von denselben fürderlich und schleinig verricht werde. [§ 8] Mit dem gesündt wirdt er auch mit der cost und underhalt ain solche be- schaidenhait zue halten wissen, daß ihnen gleichwol die notturfft geraicht, wochentlich dreÿmahl, alß Sontag, Erchtag und Pfüngstag mit fleisch ge- speist, wobeÿ aber pfleger dahin gedacht sein soll, daß nit alles vom fleisch- hackher genomben, sondern mit schlachtung des alten viechs selbige mehrer theils möge außgehalten werden. Er pfleger solle aber auch für sich selbst kein überflissige zehrung fiehren und beschwerliche gastung und mahlzei- ten sich enthalten. Ingleichn bin dem schloßb kein aigenthumbliches viech c hallten. [§ 9] Unnd nachdeme das gotshauß beÿ etlich beißhero müßrathenen jahren die notturfft der körner nit haben khennen, sondern selbst in gar theüren werth viel erkhauffen müßen, alß solle ihme pfleger hiemit ernstlich eingestellt unnd verbotten sein, das wenigiste auß seiner pfleg unnd würthschafft ohne unser wissen unnd willen zue verkhaufen, ddeßgleichen auch kein heü e, b –b mittels Positionszeichen am linken Rand ergänzt c folgt ein getilgtes Wort d –d mittels Positionszeichen am linken Rand ergänzt e folgt ein getilgtes Wort 382