Seite - 424 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition frembt leÿt, dÿ an erlaubtnus unnd wider des gotshauß freÿhaitten holtz abschlahen wollen, sollen sÿ phennten unnd anzaigen. [§ 3] Ob c etwo an ainem perg oder leÿtn holtz , das zu ferr von dem gotshaus oder nit herzue d gepracht werden mochte, von neten abzugeben deicht, soll er dem herrn prelaten e zuvor anzaigen. Wenn ime sein gnadt bevelch gibt, dasselb zuverkhauffen, soll er mit treuen thuen unnd vleissig aufschreiben, an welchen enntn, wem unnd wie teür er solch holtz verkhaufft, all quat- tember sein raittung emphanngs unnd ausgembs f lautter füerbringen unnd anzaigen unnd nach sollicher abgebung auf die jungen maiß guette achtung haben g, da mit die selben durch viech oder in annder weeg dÿ wällt unnd auen nicht in verödung khumen. [§ 4] Vorsster soll dÿ nachennten höltzer , die leichtlüch zu dem gotshauß gefüert mogen werden, nit verkauffen, sonnder zu notturfft des gotshauß zeitlich maissen lassen, das all weg vorrath h vorhainden seÿ, damit man nit mit grien holtz fuern unnd prennen muesse, auch iden holltzmaissern i, di fueder selbst abzellen unnd achtung haben, das sie die selben fueder nit zu khlain machen unnd die grossen holtz recht khlieben. [§ 5] Er soll das waitgelt j in den dorffern allennthalben einbringen unnd sambt annderm seinem einnemen, ausgeben unnd hanndlungen aigenntlich unnd vleissig aufschreiben unnd wie vor gemelt treulich verraitten. [§ 6] Bey dem maÿr k zu Tuttendorff soll er darob sein, das er die äckher mit prachen, missten unnd annder notturfft zu rechter gewenlicher arbait zeit arbe[i]th unnd zu gepierlicher zeit die vechsung pau- unnd zehennt-trait unnd habern mit treuem vleiß eingeprocht unnd wider angepaut werde. [§ 7] Wenn die drescher zu Tutndorff dreschen, soll er treulich zu sehen, das sie vleissig außtreschen , khain trait noch habern ausser seines vorwisn c C: Was; D und E: Wo d D und E: zuher e D und E: probsten f D: außgebens g C: geben h nur in B, C, E und F; in A finden sich an der Stelle drei (vermutlich später hinzugefügte) Punkte, die das fehlende Wort anzeigen i –i D und E: das holtzmaissen j C, D und E irrtümlich: weingelt k D und E: maÿrhof 424