Seite - 438 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition [§ 24] Item ain forster soll auf das alt unnd neu eisengeschier achtung haben, wie dasselbig verbraucht, wohin, wem, damit nit durch geschiermaister oder in der schmidten verschwendung beschäch, sunder von demselben sein parti- cular raittung wochentlich auf die ober camer dem hofmaister erlegen, damit sehen müg, wie hierinnen wirtschafft gepflegt werde. [§ 25] Er soll auch darob sein, damit der gschiermaister zu rechter weill unnd zeit, die wägen zu allen fuehrn zuericht unnd bedacht sein, damit nit die khnecht darauf feÿren unnd das neu fur das allt, das noch zuegebrauchen, genohmen werde, sonnder allezeit des gottshauß nachtaill unnd schaden verhietten. [§ 26] Er soll auf die riemb camer mit sonderm vleiß achtung haben, wan gschier- maister was riembwerch bedurfftig, zeitlich herfurgeben und verzaichnen, wohin unnd zu wemb ers bedurfftig unnd verbraucht hab, vleissig beschrei- ben, desselben auch wochentlich sein particular raittung ubergeben, nichts weniger in sein haubt raittung einstellen. [§ 27] Was man zu notturft des gottshaus beÿ dem schmidt unnd anndern hanndwerchern khaufft unnd machen läst, soll er in seiner raittung verferttigt außzüg unnd schein furbringen. [§ 28] Forster soll auch alle wochen am Montag seines emphanngs unnd außge- benns ordennliche wochen zedtl übergeben unnd nichts weniger sein orden- liche raittung haltten. [§ 29] Unnd demnach des gottshaus ochsen unnd khuchl viech uber summer in denen auen gehaltten werden, soll forster unnd sein aukhnecht neben dem khuechlmaister , zueschratter unnd ochsenhaltter , darauf sein gebüerlich aufsehen haben unnd jede wochen aufs wenigist ain oder zwaÿmall besich- tigt werden. [§ 30] Beschließlichen soll bemeltter forster nach diser instruction zu nuzparkhait unnd aufnemen des gottshauß treülich, vleissig unnd erbarlich als ain ge- treuer forster unnd diener hanndlen unnd nachtl unnd schaden, sovill an ihme ist, wennden. [§ 31] Dagegen soll ihme järlichen zu besöldung geraicht werden, vierunndzwain- zig phundt phennig c, auch soll er haben auf sein persohn sein unnderhal- c folgt auch soll, gestrichen 438