Seite - 465 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

9. Die Forstwirtschaft lassen, er haben dan zuvor bericht, wo das alt hinkhomben. Da es verlohren oder verwahrlost, soll ers dem gschiermaister oder maÿr an der besoldung abziehen unnd ihnen behalten, die werden alßdan den oder die den schaden gethan unnd nachlässig gewesen, woll zufinden wissen. Da aber etliche sa- chen von neuem einzukhauffen oder machen zulassen bewilligt, soll forster die bewilligung unnd sachen in der wochenzetl vermelden, auch dasselbig alspaldt in die inventaria beÿ dem cammerambt einverleiben lassen, damit sich in aufnembung der raittung also befindt. Alle Montag soll er forster neben dem gschiermaister unnd maÿr zu Tudtendorff sein wochen zetl über- raichen, darinnen soll er ebenmessig daß waß er umb verkhaufftes holz , es seÿ auß den auen oder wälden , waidtgelt unnd anders empfangen, auch waß der sadler unnd wagner gearbeith, einbringen. Waß aber auß der pfister in den maÿr- unnd gschierhoff gegeben wierdt, soll gschiermaister unnd maÿr in ihren wochenzetln in den empfang einsezen, nachmalß auch specificiern, was alle tag in beeden höfen mit den zügen, auch herrn praelathen leib - und rengutschi verricht unnd waß dieselbig wochen füer tagwerch gebraucht unnd sonsten außgegeben worden. Im maÿrhoff gleichfalß die tägliche ver- richtung der leüth unnd des viechs einschreiben, auch des stroschneider wo- chentliche arbeith, weill er vom gottshauß unterhalten und besoldt wierdt, vermelden. [§ 48] 48. Beÿ der schäffereÿ zu Tudtendorff und Ober Rorbach soll er auch zue- sehen, damit das fueter nit unnuzlich unter den füessen verderbt werde, soll auch wochentlich die schoff abzehlen, auch die vermehrten, sowoll auch waß davon khombt, einschreiben unnd mit geschaffenhait in der wochenzetl berichten. [§ 49] 49. Waß man zu notturfft des gottshauß beÿ denen handtwerchern khaufft unnd machen last, soll er in seiner raittung verferttigte außzüg unnd schein füerbringen. [§ 50] 50. Unnd demnach des gottshauß oxen , gestiedt unnd khuechelviech über summer in denen auen gehalten werden, soll forster unnd sein aukhnecht neben dem khuchelmaister , zueschroter unnd oxenhalter darauf sein ge- bierlich aufsehen haben und jede wochen aufs wenigist ain oder zwaÿ mall besichtiget werden. [§ 51] 51. Unnd damit auch das gottshauß zu dessen angehörigen weingärtten jährlich mit notturfftigen tung in der Hoffau versehen werden mög, alß solle forster alleß vleiß darauf gedacht sein unnd beÿ dem maÿr verschaffen, daß zu mueßwilligen zeiten auß dem maÿrhoff ain zimbliche notturfft ritstro in gemelte au eingemachten viechstandt gefüerth werde unnd den ochsen- halter dahin verhalten, das er dem viech täglichen genuegsambe unterstreÿ 465