Seite - 466 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition machen unnd wochentlich den mist an ain hauffen zusamben schlagen welle, damit solcher woll abfaulen unnd alßdan zum gestatt der Thonau zum anschlagen auf die zillen durch den ochsenzug gebracht werden mög. [§ 52] 52. Beschließlichen soll bemelder forster nach diser instruction zu nuzbark- hait unnd aufnemben des gottshauß treulich, vleissig unnd erbarlich alß ein getreuer forster und diener handlen unnd nachtl und schaden, sovil an ihme ist, wenden. [§ 53] Dargegen soll ihme jährlichen zur besoldung in geldt dreÿssig gulden ge- raicht unnd in waldt zehen claffter scheider , wie auch alle wipfl von den abmaissenten pau- und prenholz in des gottshauß wälden unnd auen , deß- gleichen auch alle windtfäll passiert werden unnd wan in wälden unnd auen den unterthanen oder außwendigen pauholz verwilliget, verkhaufft unnd füergezaigt wierdt, mag er von denselben annemben, waß ihr gueter will ist, doch auß khainer gerechtigkhait, dan auch auf sein persohn sein unterhaltung mit essen unnd trinckhen auf der officier mit dem hofmaister , deßgleichen auf sein aigen pfert , so er halten solle fueter , [nagl]b und eisen versprochen worden. [§ 54] Doch behalten ihme herr probst unnd convent die instruction unnd ordnung jederzeit zubessern unnd zu ändern, wie es dem gottshauß am besten füegt, nuz und dienstlich sein khan, bevor und wan der forster ander mehrer unnd besser mitl dan hierinnen begriffen, zu disem ambt dienstlich erfahren wuerde, soll er dieselben dem herrn praelathen anzaigen, auch sonst alles anders, so die notturfft erfordert, dem gottshauß nuz unnd dienstlich ist, alß ain getreuer diener unnd das ihme beÿ seinen pflichten unnd derhal- ben gegeben, verschreibung zuthain gebiert unnd zuestehet, ÿederzeit mit allem vleiß handlen, füernemben unnd des gottshauß nuz und fromben zuebefüerdern unnd schaden zuwenden, sich jederzeit zubefleissen. Deß zu urkhundt ihme dise instruction mit obgenandt herrn brobst hierundter ge- stelten handtschrifft unnd praelatur insigl verferttiget, gegen seinen revers und verschreibung zuegestelt. [E] Actum Closterneuburg am fest des heÿligen Georgi des aintausent sechshun- dert ainunddreÿsigisten jahrs. [L.S.] Bernhardt brobst zu Closterneuburg m.p. b unsichere Lesung aufgrund des Durchdrucks des Siegels 466