Seite - 490 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition andern unter meinem vorstambt angehörigen sachen widerwerttiges unnd nachthailliges zuegefiegt unnd erwisen wiertet mit allem ernnst zuwendten unnd zuverhietten, oder do es in meiner unvermögenhait, allsbaldt beÿ irer gnaden selbst oder in dero abwesen an die ortt und endten es sich ge- büerth anzubringen unnd zuentdeckhen, gewarsamb, getreu, vleissig unnd aufmerckhig sein will unnd soll. [§ 2] Auff ich dan sollches alles unnd jedes neben disem unnder meiner handt- schrifft unnd pedtschafft geferttigten unnd irer gnaden zuegestölten reverß , auch irer gnaden unnd einem ehrwierdigen capitl beÿ meinen ehren unnd threuen, nach bestem unnd vleissigistem vermigen zuhalten, zulaisten unnd gehorsamblich nachzukhumen (wie das es einem ehrlichen, threuen, frum- ben unnd redtlichen dienner in alweg gezimbt unnd gebüerth) mit hanndt unnd munt angelobt , verhaissen unn versprochen hab. [§ 3] Dagegen hat wolgedachter mein gnediger herr unnd ein ehrwierdiges capitl mir hinwider zu järlicher besoldung vierunndzwainzigkh pfunndt pfenning zugeben, auch mein essen unnd trinckhen in der tierniz am oberessen zuha- ben, daneben auch mein aigens zu des gottshauß diensten unnd geschäfften erkhauffts roß mit fuedter , nagell unnd eissen zu unterhaldten, zuegesagt unnd versprochen. Wo ferr sich aber zuetrieg, das auß genuegsamben unnd ehrhafften ursachen mein genediger [herr] mich von sollchem dienst absezen verkhern gar urlauben oder ich nit lenger zudienen lusst het, sonnder mich umb ein bessere meiner sachen gelegenhait bewerben woltte, alßdann so soll ain thaill dem andern vor außganng des jars zuvor ain Quotember aufsagen unnd ankhündten. Zu urkhunndt unnd vester gezeugnuss der sachen hab ich obgedachter Georg Aÿmer disen reverß mit meinem undergestolten pedt- schafft und handtschrifft verferttigt. [E] Beschehen b den 27. tag Novemb(ris) Anno [15]88. [L.S.] Georg Äymer der zeitt forster m.p. b folgt irrtümlich ein zweites Mal: beschehen 490