Seite - 495 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

10. Kelleramt, Weinbau und Weinzehent ain leimb und sich die kherner an sehen zu rumpfen, so ist die rechte löß zeit , man soll dem wein bolt außpreßen, das er an den tröstern nit fehrer saur unnd behenndt in dos foß bring, stundt er lanng so, verleurth er sei khrofft. [§ 7] Ob es in dem lessen reget Unnd du befrogst, das die weinn saur werden unnd wäserich unnd wilt das daz wasser darvon khombt, so soll du zu hanndt, wan den most mit der veriessung voll piert, den most durch einen schleich abgezogen in ein anders voß , dornach gewindt er im gleger gnueg unnd bleibt der leib unnd das waser hernach weekh, das aller wein oben peim spundt am geringisten ist, bei der mitten am besten ist unnd am underisten gewindt er off ein geschmachen vom glegen, das off einer ain dreÿerlei gibt, auß ain aingen vaß . [§ 8] Wan sich die wein verkheren Daß seindt die wein , dorin sich die wein verkheren unndt von wan por wer- den oder stossig, ein weder oder ein weder van anstossigen winder oder von hitz oder von uberigen regen oder aber in der wein plie oder wan duner unnd grossen plitzen alls umb Sont Veits dog, da sich die wein van duner unnd phlitzen verkheren, das ist woll miglich, wen man sich ainen pronperpaumb , so man zu den prott uhroch haben mueß unnd wen man sieh uber felt firdt unnd khombt ain duner, so verderben sie. Dezgleichs solls auch, wen man khrebs uber landt fieret und khombt ein duner, so verderben sich soliches und gleichs falls andere ding verdirbt unnd wirdt zu nicht. Darumb soll ein maister paumeister mit dem dihren unnd fenstern noch gelegenheit unnder die thier zu duehn, das im sein wein nicht getrenckht oder verderbet werden, werdt van uberigt hitz oder kheltten auch von dem wein . [§ 9] Volgt wie man acht haben soll auf die rehte läß zeit unnd wans am besten ist Item (. . . )d, so du wilt ein sissen most fillen, so nimb ein moß millich , also wormb von der khue herrunnd, misch darin 2 lb schwebel , den stostu khlein unnd rier das in ainer schißl ob wie ein taigl, das thue in das voß , moß unnd fill das zue biß auf ein spann, biß er verrierth, so versprich ich dier, das die most , die weill fein ain dropfen ist, nicht zäch wirth. [§ 10] Aliudt etc. Item umb schön lauttern waitz , der nicht schimplich ist, thue denn in ein säckhl unnd heng es in den wein , so wiert der wein nimber zäch , den der waitz ist dem wein nutz. Item nimb ain spundt allein unnd stoß khlain unnd d Blatt oben abgerissen, drei unlesbare Wörter 495