Seite - 513 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

10. Kelleramt, Weinbau und Weinzehent [§ 87] Schweblischen wein wollgeschmach zue mochen Item nimb ein wenig solut unnd ein wenig khitten, olles (. . . )qq döret auch ein wenig hopffen , das thue in ein (. . . )rr ober den wein in andern voß abloßen (. . . )ss in den wein so wierdt der wein wol (. . . )tt. [§ 88] Das sie khein wein nit streckhen uu Henng khranebeten holz in most unnd wen er verjesten hat, so zeich das holz widerumben herauß, so ist er bestenndig. [§ 89] Alliudt Henng hopffen in denn möst , so er anhebt zue jessen unnd wen er verjessen hat, so thue in widerumben herauß unnd ob er schonn wider verkhert, so khombt er wider zue sich. [§ 90] Das ein wein schön bleibt Item nimb, wen du ain storckhen wein anzöpfes, so thue in den wein hortz so groß als ein aÿ oder nimb dorfier weisen weiroch , so bleibt der wein schönn biß ans endt, deß gleichen mogstu mit dem wetoschen auch also thuen unnd gebrauchen. [§ 91] Ein gewaltigen guetten siesen wein zue machen, der so sieß ist, alls wen man jit vv erst vonn Vennedig hat gebracht Erstlichen nimb 1 h(and voll) fein zueckher , ½loth poreiß kherner , ½loth pfeffer , ½loth corianter , ½loth zimet rehrn, denn zueckher solstu khlein stessen, aber die andern vier stuckh nit so khlein, dornach schiedt es an den wein unnd merckh auf das gewächts, nimb nit mer oder weniger, dorzue nimb drei achtrein wein , der viertig unnd lautter ist, dornach fill die khandl, zu ubernacht stehen losen, khost in, gefelt er dier nit, loß in lenger stehen, so p(ro)b(ier)ww dornach, mogstu denn drei khandl machen, ein emer oder mehr. qq Blatt abgerissen, mehrere Wörter fehlen rr Blatt abgerissen, mehrere Wörter fehlen ss Blatt abgerissen, mehrere Wörter fehlen tt Blatt abgerissen, mehrere Wörter fehlen uu Lesung unsicher vv korrigiert ww Auflösung unsicher 513