Seite - 536 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition [§ 20] Er, weinkhellner , solle auch mit sonderm vleiß auff die richter , zehendt -, perkhrechtschreiber unnd -trager sein sonders unnd vleissigs auff sehen haben, damit khain verschwendung der wein oder most beschehe, inen auch ir speiß, tranckh verordnen unnd aussaigen, auff daz sÿ nit ires gefalles vaß anzäpffen unnd darauß lassen. [§ 21] Es soll auch weinkhellner sein vleissigs aufmerckhen haben, auff die khell[er]khnecht , daz sÿ zu allen mallzeitten ainem ÿeden in sein gschier nach fürgeschribner ordnung unnd jedes standts sein ordinarÿ weingebn unnd auspeißen. [§ 22] Er soll auch auff sÿ, die khellerkhnecht , achtung haben, das sÿ die amper darzu sÿ zum speißen wein aufftragen, fein sauber außwaschen, auch daz auspeiß väßl ÿederzeit sauber hallten. [§ 23] Er soll auch neben dem hoffpinder wochenlich dreÿmall in alle kheller geen unnd den khellerkhnechten nach sehen, ob sÿ vleissig füllen unnd den väs- sern wartten, damit nit die ff wein beÿ den pälln weiß oder khämig unnd die raiff abspringen, dardurch schaden ervolgen mechte, zeitlichen anzaigen, damit fürderliche füersehung beschehen unnd schaden verhüettet werde. [§ 24] Auff das vollwerchen solle weinkhellner sonnderlich unnd vleissig aufsehen gg haben, damit dasselb nicht unnotturfftiger weiß beschehe, darzu auß den weinen nicht gedrunkhen oder was uberlassen wierdet, wider eingefüllt unnd nicht vergeblich verschwendt werde. [§ 25] Weinkhellner solle auff alle nagl, eÿsen, eÿsen gatter, grabschauffln, raidltruchen, hh khoch löffln, höffen , halb unnd ganz zuber, tretschaffer, schäffer und alles anders, so in das ambt gehert unnd ime inhallt aines inventarÿ eingeandtwordt, guette achtung haben, damit dieselben nit unnuzlich vergeben unnd verschwendt, sonder who er es hingibt, sein register darauf hallten unnd wochenzetl neben anndern dem herrn prelaten erlegen unnd nichts weniger in sein raittung einstelen. [§ 26] Weinkhellner soll auch fürsichtig sein, auff das alles leßgeschier sambt den schapffen zeitlich gepunden unnd ii die schleich eingewaigkht unnd gepes- sert, who vonnötten, mit vorwissen neue gemacht werden. ff über der Zeile ergänzt gg verbessert aus: aussehen hh in A ′ ergänzt: leilacher, strosägkh, khozen, pölster, schüsl, taller ii in A ′ ergänzt und gestrichen: und die neue emer geeÿcht 536