Seite - 542 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition [§ 8] Weinkhellner solle wochentlich den weinzierln , hofmaistern und wan es herr prelath verordnen wirth, auf daz ordinari pau auff rabisch gelt geben oder aber in der wochen, wie es die notturfft erfordert, und sÿ ohn beschwer halten. Doch soll er achtung haben, damit er ohn sondere nottwendige ursa- chen, auch vor verrichter arbait und versicherung khainen nichts überigs hinauß gebe. Und wan er ihnen, den hauern , gellt gibt, daz solle er mit beÿsein der übergeer oder wem der herr prelath darzue verordnen wirdt thun, die werden ihme irer gethonen arbaith, ob dieselb verricht seÿ oder nit anzuzaigen wissen und sollich außgaben in sein raittung sambler, wie sÿ angewendt, außführlich und specificiert einstellen. [§ 9] Und wan nun alle arbaith durch daz ganze jar ordinarÿ und extra ordinarÿ pau verricht, soll weinkhellner sambt denen von dem herrn prelaten darzue verornden und den übergeern järlich zu Sanct Gillgen tag, derzeit alle fall und mengl deß weingartt paus erkhendt mügen werden, alle weingarten übergeen und besehn, wie dieselben in pau sein, waß ordinarÿ und extra ordinarÿ arbaith daron verricht, waß auch für ordinarÿ arbaith daron entzo- gen, deßgleichen extra ordinarÿ arbaith daron zuverrichten und zuverbes- sern und wievill ein ÿeder weingartten desselbigen jahrs ungeverlich ertra- gen mag, alles underschiedlich beschreiben, damit man sich der ordinarÿ pau halber in raitt(ung) und extra ordinarÿ mit wendung und fürsehung, auch mit der außzallung zeitlichen wisse zurichten. [§ 10] Item er weinkhellner soll zeitliche füersehung thuen, damit die heurigen und vierdigen heggen, so geschnaid im herbst , ein gruebt werden und khaine über winder stehen lassen, damit sÿ nicht erfrieren, noch verderben. [§ 11] Er soll auch fleiß füerwenden, darmit zeitlich die stain auß dem weingartten pach grueb rauhmen und die erdt in die weingartten getragen werden, auf daz an ime khain saumb sall erwinde und wo er hierinen deß herrn prelathen hülff ausschreÿbens a umb b arbaitter bedürfftig, soll er es zeitlich anzaigen. [§ 12] Und wan er weinkhellner zum grueben, staintragen, kösslgrueb, fachgrueb rauhmen, der grün arbaith oder zum hauen underthonen bedürfftig, so solle er nit für sich selbst, sondern mit des herrn prelaten zeitlich vorwissen ausschreiben, auf daz sy nit wider pilligkhaidt beschwert werden. a unsichere Lesung, alternativ: aufschreÿbens b folgt gestrichen: und 542