Seite - 596 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition [§ 31] 31. Auf die pinder geßeln solle nach gelegenhaitt der personen jzwaÿmall in der wochen, als am Erchtag unnd Sambstag auf ain person ain pfundt fleisch ,j sunsten dreÿmall in der wochen, alß am Erchtag, Suntag unnd Pfintztag zu abentts geprattenß, vasten speiß unnd weiß fisch oder platteiß unnd stockhfisch , khraut unnd rueben zimliche notturft, nach gelegenhaitt der personen, schmalz wochentlich 1 lb, in der fast(en) 2 lb unnd soll der khuchlmaister daß schmalz in guetter acht wahrsam haben, damitt nicht ettwa durch nachlessigkheitt unnd unnfleiß des gewelbschreiberß unnuzlich oder mitt uberfluß durch khöch oder im selbst verschwendt unnd verthue würdt. [§ 32] 32. Es soll der pindter sein vleisch am Sambstag unnd Erchtag nemen, sonnsten soll inen nicht mer in der wochen gegeben werden. Desgleichen auch mit khrautt , rueben unnd anndern, sollten nicht wasserschaf, sonnder achtlschäffl gebraucht werden. [§ 33] 33. Die kherzen soll der khuchlmaister vonn Michaelis biß auf mittfasten nach volund(er) ordnung wochendlich außgeben dem grinndtschreiber dem hofmaister dem schuelmaister " & $ jeden alle wochen vierzehen gmain kherzen in dem raittstall auf die türnitz , dem haußkhnecht dem vorster auf sein person in die pfister unnd wan sÿ pachen " & $ jedem alle wochen vierzehen gmain kherzen dem wagner geseln auf die ober cammer [§ 34] 34. Solliche khuchlspeiß unnd ordnung solle wochentlich in des khuchlmais- ters wochen zettl gleich eingestelt werden. Württ sich der khuchlmaister anndernfalß dariber haltten, solle er durch den herrn prelatten gestraft werden. Khuchlmaister soll nürgennd hin raÿßen oder sich vom gottshauß absentiern, er zaigß dan solliches zuvor dem herrn prelatten an, wohin unnd wie lang ehr aussen bleiben will. [§ 36] 35. Beschließlich, dieweill nitt alle zuefäll unnd notturften so dem khuchlmaister dem gottshauß zum besten zue handlen gebüern in schriften gesteltt werden khinnen, alleß zum besten zue hanndlen, anzurichten unnd anzutragen, soll er desthalben nach gelegenhaitt der sachen die notturft j –j in A ′ gestrichen 596