Seite - 600 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition worden, in die wochenzetln vleißig einschreiben, volgents denselben resst in der darauf volgunden wochen wider in empfanng stellen und nehmben. [§ 15] 15. Item soll gewölbschreiber alles und jedes, es seÿ clain oder groß, so vom kuchelmaister in Wienn oder anderwerts erkhaufft würdt, ordentlich in den wochenzetteln specifice inserirn, den tag nach seiner rapulatur vleißig einschreiben, damit alßdann sein raittung desto richtiger drauf khan gestelt und gegen einander ersehen werden. [§ 16] 16. Es solle kuchelmeister oder sein untergebner gwölbschreiber in deme vleißig zuesehen, damit die unzeitigen und ungewöhntlichen fruestuekh, weder in den kucheln oder andern haimblichen orthen und fürnemblich in dem kellerstübel nit gestat, sondern hiemit allerdings vermitten bleiben unnd also guete achtung geben, daz nit, wie bißher vilfeltig gespürt worden, daz beste von der suppen herob genomben und dennen herren conventualn und officirn daz bloes gewärmbte unnd ungeschmackhte wasser aufgetragen werde. Und weill sonnst auch im kochen grosser unfleiß fürüberlaufft, daz nit allein daz siedfleisch manches mall ganz zäch und hartt, daz gebrattne offtmals bluetig oder gar verprendt, sondern auch andere speißen unge- schmackht und unsauber genug in daz revent , officir unnd anderer orthen mehr fürgetragen. Dahero soll dennen köchen beÿ straff verpotten sein, daz sie die feül, daz faist unnd pesste von der suppen nit abschöpfen, deßgleichen daz prandtschmalz zu ihrem nuz unnd aufheben noch verkhauffen. Unnd damit die gaben Gottes dem menschen zu nuz unnd nit zu schaden geraichen mögen, solle dem kuchelmaister und seinem gwölbsch(reiber) hiemit ernst- lich auferlegt sein, jedes mahls in dennen kucheln zu den speisen vleissig zuesehen, daz sÿ recht unnd woll zuegericht unnd alles dahin befürdern, damit man zu täglichen gewöhntlichen esstundten morgens unnd abents des essen zu rechter zeit haben, deßwegen niemandts an seinen geschäfften oder handtarbeit verhindert werde. Auf daz sÿ nun die köch oder köchin , wer die jederzeit sein, hierin ainiche entschuldigung fürzuwendten haben möchten, soll kuchelmaister unnd gwölbschreiber starkh darob sein, daz daß fleisch durch den zueschrotter beÿwesen deß geistlichen inspecotris im summer morgens umb 5, winnters zeiten aber umb 6 uhr zuegeschrotten und in die kucheln , sowoll die ordinarÿ, alß austaillung der beheÿrathen officianten und andern bedienten leüth ainer sonderbare verzaichnus vleißig geraicht und gegeben werde. Was nun in jedem, es seÿ rindt , kölb oder castraunen vleisch außgeben wirt, soll gwölbschreiber in denen wochenzetln alßbald vleissig einbringen und sonnst er habe dann von herrn praelathen oder de- cano sonderlichen bevelch, niemandten im wenigisten nichts extra passiern lassen. In austaÿlung aber der extra an fleisch oder fasten speiß für des gottshauß officier oder anderen bedienten soll er sich obvermelter ordtnung gemäß verhalten und sehen, daz die jenigen diennstbotten, durch welche es 600