Seite - 602 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition befunde, die soll er ohne verzug anzeigen, damit wendung unnd einsehung beschehen möge. [§ 24] 24. Kuchelmaister soll auch darauf gedacht sein, daß er järlichen gegen winnters zeit die notturfft von krautt unnd rueben bestelle, erkhauff unnd auf daz sauberist einschneiden und einmachen lasse, damit an solcher speiß khein mangl erscheine. Benebens soll er auf den krauttmändl acht haben, auf daz er daz krautt und rueben im sommer , wann es haiß ist, zweÿmall und wintterszeiten ainmall in der wochen abraumb und alle zeit frisch wasser darauf trage und widerumben einschwäre. Und wann man von kraut und rueben speist, soll man es zeil weiß, wie die leg gehet und nit grueb weiß heraus aus dem vaß nemben, damit es nit erfaull. Und wo solches nit be- schäch, soll mit scharffer straff fürkhangen werden und sonderlich dennen gwölbschreiber dahin halten, daz er, wann man kraut und rueben auß speist, dabeÿ sey oder er kuchelmaister selbst, damit beÿ so teurer zeit überflüssige verschwendtung, wie dann bißhero offt beschehen, nit mehr beschehe. [§ 25] 25. Wann es sich zu winterszeit begibt, daz eißfischen sein, soll kuchelmais- ter guete acht haben, daz die bestandtfischer alhie zu Wienn , Nußdorff , Corneuburg und Höfflein kheines ohne vorwissen zu arbeitten anfangen, es seÿ dann kuchelmaister oder der geistliche inspector dabeÿ. Und wann dasselbige gearbeittet wirt, soll er alle tag zwaÿmahl darauf fahren und se- hen, was von fischen gefangen, dieselben vleissig notirn und sonderlich woll achtung geben, daz der legerschiel, welcher der lezte ist und die maisten und bessten fisch sich darunter samblen, ohne beisein seiner nit gezogen werde. Nach vollendung dessen soll er alßdann ordentlich mit ihnnen abtheÿlen unnd so offt daz gottshaus d(en) zwei[t]en thaill hat, soll ihnnen samentlich vermög der fischthädung auch ain thaill zuegestelt werden. [§ 26] 26. Nachdem auch bißhero der schödtliche mißgebrauch gewesen, daz alle die jenigen, mans- unnd weibspersohnen, so in denen kuchelambt zu thuen, bißweillen schlechtlich oder gar nichts zuverrichten gehabt, sich in denen kucheln aufhalten wöllen, daher nun gleichlich von dennen köchen , ku- chel jungen oder abwescherin schmalz oder anders zuegestossen und mit durchbracht werden khan. Zu mehrer verhüettung dißes und anders soll kuchelmaister oder gwölbschreiber , wo er dergleichen leüth in den kucheln betretten, umb ihr verrichtung güetig befragen, sÿ auch nach befundener beschaffenheit, alßbalten daraußschaffen oder aber mit demselben erfor- derte kuchelambts notturfften in seiner gewöhnlichen stuben verrichten. Er soll auch guet achtung auf die revent- und officierabwescherin geben, weill sie biß weillen zu mittag, sonderlich aber abents alwegen mit ihren tragenden handtkhörben zu hauß gehen, dieselbigen visitirn, ob sie nichts ungebürliches mit sich hinaus tragen. 602