Seite - 637 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

12. Das Pfisteramt fridtliche einigkheit under ihnen erhaltten unnd alle gottslösterung , so ein anfanng alles übels ist, verhüett werde. [§ 5] 5. Fünfften, alß auch beÿ dem peckhen unnd müller gesindel in gottshauß vielfelttig gespierdt worden, daß sie ledig stanndts unnd verheÿrathe weibs- persohnen mit abholung ihren wöschen in die pfistereÿ unnd darin gelegene mühl wider deß gottshauß gebrauch unnd alt herkhommen züglen, dardurch nit allein dem gesindt zue aller leichtferttigkheit unnd muetwillen grosse anraizung geben, sonndern auch leichter abtrag an brodt, mell unnd grieß unnder dem schein einer wösch durch gebracht werden khann. Dergleichen ungebüer abzuestellen unnd alle unzucht zueverhüetten, soll pfistermaister hinfüro ernstlich darob unnd daran sein, daß dergleichen wöschen von dem gesindel ihrer bestelten wöscherin selbst zuehauß getragen unnd durch sie auch wider abgeholt werde. Wüerdten sie noch über diß alles verdächtige weib- oder mans-persohnen aufhaltten wöllen, wuerdt er zuverhüettung al- ler unzucht , schandt unnd lasters gebüerliche straff gegen ihnen fürzunem- ben wissen unnd sich selbs auch in der gleichen sachen nit begreiffen lassen. [§ 6] 6. Den brodt khauff anlangent, welcher sonnderlich beÿ dem peckhen ge- sindel ein grosser mißgebrauch ist, soll pfistermaister hinfüro, sovil ihme müglich, gannz unnd gar abstellen unnd vleissiges aufsechen haben, daß dergleichen getribene brodtkheüff nit in der pfistereÿ aufgericht, noch ihm wenigisten fürüber gehen. [§ 7] 7. Sibenten soll pfistermaister , sovil es immer sein khan, sich umb guett ca- tholisch gesündt , unnd die sonderlich der arbaith woll vorstehen khöndten, bewerben unnd auf sie achtung geben, daß sie khein unnöttige disputation in religions sachen anfanngen unnd zum greinen ursach, bevorderist auf die catholischen achtung geben, daß sie, wo es annderer ihrer handtarbeith in der wochen nit beschechen khan, zum wenigisten an heilligen Sonn- unnd feÿrtägen die khirchen unnd den gottsdiennst besuechen, sie auch allweegen zue den gefallenen hochen fessten zum beichten unnd der cummunion nach Gottes bevelch christlich zuermahnen, nit underlassen. [§ 8] 8. Zum achten soll pfistermaister zum wenigisten in der wochen ein- oder zweÿmahl ihre pether und cammer besuechen unnd sechen, ob sie dieselben auch sauber unnd rain haltten, nichts verderben oder sonnst unnuzlich in denselben gehaust werden. Dergleichen starckh darob sein, daß sie allen unrath auß der pfistereÿ , so zu grosser ungesundtheit ursach geben, jedes mahl hinweekh kheren unnd solche in guetter ordnung zuerhaltten, sich auch vor allen dingen befleissen, damit feÿer und leicht allzeit recht versorgt werde. 637