Seite - 640 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition [§ 14] 14. Er pfistermaister solle sich befleissen, daß er daß mühlwerckh in guetten gepeuden erhaltte unnd die notturfft zue rechter zeit machen lasse, damit am mahlen khain verhinderung seÿe. Sonnderlich soll er auf den müller zu Weidling guett achtung geben, ob er auch von jedem muth, weill er bißweil- len etlich gestrich mell schuldig verbleibt, die rechte zahl der maß liffern unnd deßwegen nichts underschlagen oder annderwertts, wie fürkhombt, verkhauffen thue. Wo solches beÿ ihme vermerckht, soll pfistermaister ihne darumb zueredtstellen, mit waß mell er den gebliebenen resst, weill ihme selbst nichts zumahlen gebüert, wider erstatten thuet, solche ungebüer endtweders selbst wendten oder diß deß gottshauß decano oder hoffmaister anzeigen unnd hierüber ihrer decision erwartten. [§ 15] 15. Eß sollen auch die müller , sonnderlich auf der Weidlinger mühl ihr vleissiges aufsechen auf die mühlgräben haben, daß solche zue güssens zeitten nit verschütt oder in annderweeg schaden nemben möchten, die selbigen auch wie gebreüchig, so offt es die notturfft erfordert, jährlichen zue sommerszeitten zum wenigisten ein- oder zwaÿmahl mit vorwissen deß pfistermaisters durch raumben lassen, der alßbaldten die gebüer hierüber bestellen unnd verordnen, damit daß wasser sein bessern lauff haben, auch alle annder nottwendige gepeu , darauf pfistermaister sonnderlich guett ach- tung geben solle, durch ein jeden cammerschreiber besichtiget unnd waß daran zumachen vonnötten, demselben beÿ zeitten vorkhommen werden möge, die müller sonnderlich in der pfistermühl solle allzeit zue Sonn- unnd feÿrtägen , die mühln abents zuvor umb vier uhren zuestellen unnd deß anndern tags abents umb solche stundt umbgehen lassen. [§ 16] 16. Weill die mühl beÿ truckhenen sommer -, sonnderlich aber zue starkhen wintters -zeitten maniches mall lanng feÿren oder doch nit gar zue starckh umbgehen thuen, den müllern aber neben ihrer speiß, brodt unnd wein , nichts desto weniger daß völlige wochenlohn geraicht wüerdt, also soll pfis- termaister die müller dahin antreiben, daß sie, anstatt deß müehsigganngs anndere hanndtarbaith, so er zue der mühl jederzeit nottwendig befindten wurdt unnd den mühlen zuemachen zuestehet, alß khemb, schindeln unnd der gleichen zueweeg richten, damit man alles in vorrath haben unnd nit mangel leüden müesse. [§ 17] 17. Wann überige kleiben zuverkhauffen verhandten, soll pfistermaister den mezen annderst nit dann per 2 hß dh unnd solche nit frembten, sonndern h –h unsichere Lesung 640