Seite - 656 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition aignen seell haill, auch ierer wolthötter wollfart unnd gemaines anligen der ganzen christenheit mit nidergebognen khnien (außgenomben die, so liger- hafftig) von grundt ieres herzen betten und bitten, damit sÿ das almosen, so innen auß genaden gereicht wierdet, nicht unwürdig thaillhafftig werden. Soll auch in sonderheit guette achtung haben, das die gesunten pfrientler unnd all andere personnen daselbst alle Sontag unnd feÿrtag messpredigt unnd andere gottsdiennst im gottshauß vleissig besuechen unnd zu hochen festtagen beichten unnd communicieren. [§ 3] Arme, bressthaffte unnd khranckhe personnen, die das almosen notturfftig unnd sich beÿ dem spitall anmelden, soll spitlmeister nach vermögen das almosen oder herberig mitthaillen, doch khainen lenger bis auf folgenden tag unterhalten, er hab dan von dem herrn prelaten erlaubnus unnd bevelch, aber waß landtlauffer, hausierer , leichtfertige oder verdechtige leütt sein, ob sÿ sich gar anmeldetten, derer soll er khainen beherbergen noch enthalten. [§ 4] Es soll weder der spitlmaister noch sein haußfrau khainerleÿ gastung noch ladtschafft mit nachparn oder frembten personen auf des gottshaus unkhos- ten nit halten, sondern sich mit dem, waß innen von dem gottshaus geraicht unnd verwilligt, benüegen lassen. [§ 5] Dem spitlmeister unnd seiner haußfrau sollen zuverrichtung der wiert- schafft im spital ain khöchin, ain khüehalter , ain schwain halter unnd zwo viechdiernen gehalten und von dem gottshaus besoldet werden. [§ 6] Es sollen ime spitlmeister , deß gleichen seiner hausfrau alle tag – leibl herrn brott unnd füer die dienstpoten auf ÿede person vier leibl gesint brott , aber füer ain person in der sutten mehrers nit dan dreÿ leibl gesindt brott von dem gottshaus gereicht werden. [§ 6] Krautt , gersten , gries , mell , prein , vastenspeis unnd anders soll er von des gottshaus khuchel unnd pfistermeister unnd die notturfft salz von dem cammerling empfahen, innen umb das, so er abholt, alweg zetl zustellen unnd sollches alles in specie in seine wochen zetl unnd raittung ordentlich ainbringen. [§ 7] Das fleisch , so er wochentlich zu des spitalß notturfften haben mueß, soll nach verordnung des herrn prelaten von ainem fleischackher in der statt alhie der ier g(naden) gefellig auf den rabisch nemben, das soll alß dan quatember oder monatlich durch den cammerschreiber in beÿ sein des spitl- maisters abgeraitt unnd bezalt werden. 656