Seite - 694 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition roß pfleg a füerwenden, auch beÿ den roßen bleiben, derselbigen dermaßen pflegen unnd warten, damit, wan man auf sein mueß, die herrn auf die roß nit warten düerffen. [§ 5] Sollen auch im außraisen die roß , wan man jezuweillen absteigt, dermaßen verwaren unnd anpinden, das sie die sädl oder zaum mit wallzen oder an- streichen nit zerreißen oder den selbigen schaden zufüegen. [§ 6] Auch sollen sie aufsichtig sein, das sie allen zeug, alls hallfftern, strigln, schwammen, khampl, streichtuecher etc. wie sie den von stall mit sich außgefüert, allso b zum stall widerum heim bringen, dan hievonan und khunfft[ig], was sie vor zeug auß unvleiß entweder verliern, zerreißen, verwarlosen oder zerprechen, soll innen nach außganckh des jars an irer besoldung abgezogen c werden. [§ 7] Wan die roß ainen schaden genummen haben, das auch oder sonst beÿ der schmitten etwas zuverrichten nothwendig, sollen sie in waschen, schmieren, halten unnd dergleichen sachen, wie es die noth unnd gelegenheit erfordert, dem stalmaister guetten beistandt unnd unweigerlich unnd rathsamb er- scheinnen. [§ 8] Auch sonst in annderen nothwendigen sachen dem stallmaister , alls wel- lichem die roß vonn herrn prelaten bevolchen unnd verthrauth werden, denselbigen dermaßen vleißig zuwarten, das sie unnschadthafft bleiben, allen gehorsam laisten, den roßen nit wie es d innen, sonnder ermelden e unnsern stallmaister gevellich unnd ers mit innen verschafft, phlegen unnd warten. [§ 9] Da auch einer wist, wie ainem schaden zuhelffen oder füerzukhummen, soll er das nit verhalten, sonder seiner gethanner p[f]licht nach nit weniger allen schaden neben dem stalmaister zuverhueten schedlich sein, alls ob die roß sein aigen weren unnd sollen sich der maßen gegen dem stallmaister unnd gegen ainander freundlich, cristlich unnd guettherzich erzaigen, damit der herr prelat sich ir inn fall der noth dest stattlicher zugethrosten irer unai- nigkheit halber unnbetrüebt unnd unangelauffen bleibe, sich auch kheiner gefar zubesorgen habe. a über der Zeile ergänzt b korrigiert c zwei Buchstaben korrigiert d unsichere Lesung e verbessert aus: ermedlen 694