Page - 904 - in Jacopo Strada and Cultural Patronage at the Imperial Court - The Antique as Innovation, Volume 2

904 Appendices Index sive catalogus librorum quos ego, Jacobus Strada, partim ipsemet meo marte com- posui, partim meis sumptibus et impensis componi et scribi curavi, partim denique alio modo conquisivi et comparavi. [ 1 ] Primo dictionarium xi linguarum in quo omnia comprehensa sunt, et continentur quae excogitari aut eloqui, ac latine in medium proferri possunt. Ei etiam insunt omnes phrases eleganter et ornate loquendi, tam in latina, quam in aliis linguis apud probatos et optimos autores receptae, et in usu hactenus observatae. Linguae autem istae sunt videlicet: latina, graeca, hebraica, chaldaica, turcica, arabica, persica, his- panica, gallica, germanica et italica. Et harum linguarum quaelibet suis peculiaribus, receptis et genuinis literarum figuris scripta est, quibus quaevis gens et natio in suo nativo idiomate scribendo uti solet. Praetereae in hoc dictionario suo ordine et loco convenienti habentur omnia antiqua numismata omnis generis ex auro, argento et aere, nec non figura in gemmis et praeciosis antiquis lapillis sculptae. Item antiquae inscriptiones et figurae cuiusvis farinae, tam tabularum pictarum, et lapidum precio- sorum marmoreorum, quam sepulchrorum et monumentorum antiquorum, quibus historiae incisae sunt. Item multae aliae variae delineationes, quae inveniri aut videri queunt, quarum immensus et infinitus in hoc dictionario est numerus. Hoc inquam dictionarium scriptum et absolutum est usque ad literam B. Una cum praefatis figuris et numismatibus suo quibusque proprio loco positis. Et litera A continetur xvi parti- bus sive libris, in quibus sunt arcus maioris folii bis mille et quingenti, in utraque parte minutissimis exarati literis. [ 2 ] Index istius dictionarii complectitur etiam xvi tomis in folio maiori, duabus columnis in utraque pagina minutis scriptus literis. Et hic index habet folia tria millia et quin- quaginta sex. In quo quidem indice compraehensum est et extat omne id, quod saltem ab homine excogitari potest, et quod apud idoneos autores in usu et receptum est. Et hunc indicem componi et conscribi curavi per xi annorum spatium. In quo etiam mentio est et fit antiquorum marmoreorum lapidum cum suis figuris et inscriptioni- bus, item veterum numismatum. Comparavi enim ista, ut dictum est, summo studio, labore et sumptibus in variis terrarum locis in quibus fui: in primis vero veterum nu- mismata cum aurea, tum argentea, et aerea; et praeter haec etiam multa alia latino- rum, graecorum, hetruscorum, arabum et hebraeorum, et his similia, cum variis et inusitatis literis et characteribus, quorum sunt numero ad novem mille: adeo, ut si quis ea prius non viderit, rem impossibilem esse iudicet. Ego tamen ea magno labore at ac- curata diligentia conquisivi et comparavi.