Page - 906 - in Jacopo Strada and Cultural Patronage at the Imperial Court - The Antique as Innovation, Volume 2

906 Appendices ante vitam ipsam uniuscuiusque caesaris videre est numisma eiusdem imperatoris, exprimens et representans ipsius effigiem; et quoque figuram alterius, sive posterioris monetae partis, in magnitudine taleri; quae numismata typis aeneis incisa et excusa sunt. Et quidem haec omnium pulchriora sunt, quae ab uno quoque imperatore ha- bere potuimus. Et incipit hic liber a C. Julio Caesare, et finitur in nostro nunc rerum potiente imperatore Rodulpho huius nominis secundo. Apud et post cuiusque impera- toris vitam sequuntur eiusdem uxores, liberi et cognati, si quos habuit, et nos nomina eorum indagare potuimus; nec non tyranni, qui sub eodem imperatore vixerunt, et imperatoris nomen sibi sumpserunt, una cum eorum numismatibus. Et harum vita quoque succincte descripta est. [ 6 ] Series sive liber alius de imperatoribus romanis cum ipsorum capitibus et pectoribus, qui partim armati thoracatique sunt, partim nudi, et partim vestibus induti. Hi vero delineati sunt ex veris eorum antiquis marmoreis statuis tum Roma, tum in aliis Italiae urbibus extantibus. Subsunt iis omnibus sua stylobata, in quibus unius cuiusque im- peratoris vita, tempus imperii et obitus compendio inscripta est. Simili modo in eo repraesentantur imperatrices et augustae, quarum capita et pectora etiam sustinent stylobata, in quibus etiam vita ipsarum succincte compraehensa est. Et talis figura cum stylobate occupat folium maius chartae regiae, ita ut superius trium digitorum, inferius vero quatuor relinquatur spatium. [ 7 ] Liber alius manu mea delineatus de numismatibus antiquis, in charta maiori, ubi in quolibet folio numismata xii, cum eorum aversis partibus visuntur. Incipiunt ista in C. Julio Caesare, et desinunt in hoc nostro romano imperatore Rodolpho secundo. Et ad finem istorum numismatum apposita est uniuscuiusque descriptio, una cum vita ipsius, sicuti antea dictum est. [ 8 ] Tabula seu mappa magna de castrametatione Solimani, turcorum imperatoris, ad civitatem Viennam Austriae cum universis suis copiis: in qua tentoria in medio ex- ercitu cernuntur imperatoria alta oblonga, itemque rotunda; circumdata undique a Janitzaeris, custodibus corporis ipsius, una cum ipsorum vexillis et signis militaribus. Videtur et tentorium in quo ipse commorari solet. Post haec visuntur tentoria ducum exercitus, sive Bassarum, minora imperatoriis, et alterius formae, viliorisque pretii et estimationis. Conspicitur item tentorium capitanei Janitzaerorum, nec non aliorum magnificorum et aulicorum; post etiam tentoria quibus asservantur thesauri imperato- rii maximi. Haec autem tabula est transumpta et delineata ex quadam pictura principis