Page - 908 - in Jacopo Strada and Cultural Patronage at the Imperial Court - The Antique as Innovation, Volume 2

908 Appendices [ 13 ] In altera etiam habetur castrametatio, eiusdem magnitudinis et formae. Differt tamen a priori, quod haec tota cincta est muro, et in ea fabricata sunt palatia, et alia habitatio- nes. Quae quoque facta est ab ipso Serglio instante dicto Franciae rege, cum vellet duo castra ad eam formam et modum, unum in Pedemontanis, alterum contra Flandros extruere. Has ambas tabulas, ego dum essem in Francia, ab ipso autore emi, nec in ul- lius alterius manibus nunc similes habentur. [ 14 ] Pictura quo ordine Caesar dictator cum suo exercitu legionum, peditum et equitum, item auxiliorum, solitus fuit proficisci; delineata ex picturis factis a Julio Romano in Palatio de Thi extra Mantuam. Res profecto mirabilis et digna visu, horum originalia ego a Raphaele, Julio Romani filio, emi. [ 15 ] Liber continens multa et varia genera armaturarum, armorum ac instrumentorum bellicorum, quorum olim apud Germanos usus fuit. Inter quae cernere licet formas primorum sclopetorum, item tormentorum quorundam ex ligno factorum, quae un- dique circulis ferreis arctissime invicem compactis circumdata fuit. Cuius forma hodie ad huc multa apud Bernates Helvetios extant, quae vidi, et manibus meis attrectavi. [ 16 ] Pictura ampla coloribus oleageneis illustrata, continens urbem Romam, quam curavi a quodam exellenti pictore belga depingi. In ea videre est res etiam minutissimas ex- tantes in Urbe. Expressa sunt in ea quoque ludorum genera, quae antiquitus diversis anni temporibus exhibere solebant. Res mehercle contemplatione digna. [ 17 ] Tabula itidem alia magna, pedes octodecim longa, in qua depicta est Alcairus, urbs Aegypti maxima, delineata e camera, quae extat in Palatio Sancti Sebastiani Mantuae. Et haec fuerat ex Alcairo allata. In ea veniunt plurima contemplanda, ut pugnae crocodilorum in ripa Nili; item profectionis charoanae cum infinita mul- titudine militum, mercatorum et aliorum peregrinantium per Arabiae deserta ad Montem Sanctae Catharinae et Mecham, ad sepulchrum Mahometi. Extra urbem ipsam depicta visuntur exercitia militaria equestria et pedestria Mamaluchorum, sive militum soldani, qui Christi fide eiurata, Mahometis dogma amplectuntur. Et haec tabula nusquam est delineata a quoquam, utpote qui solus eam per omnia ad vivum designari curavi.