Page - 909 - in Jacopo Strada and Cultural Patronage at the Imperial Court - The Antique as Innovation, Volume 2

909Appendices [ 18 ] Liber complectens vitam et res gestas Caroli v invictissimi imperatoris, secundum vet- erum rationum et formulam compositus, una cum numismatibus, quorum sunt cl numero. [ 19 ] Liber de familia illustrissimae domus Austriacae, cum ipsorum principum, uxoribus et armis gentiliciis pictis. Estque hic liber omnino alius et diversus ab isto libro, qui alias quoque de hac familia habetur et circumfertur, typis alioquin aeneis et figuris excusus. Huic vero similis hactenus non visus est. [ 20 ] Descriptio Urbis Romanae, una cum imperatoribus et figuris eiusdem de marmoribus, et armis gentilitiis nobilium familiarum eiusdem Urbis. [ 21 ] Duo libri, seu tomi Bibliotheca Phoci, Graeca linguae conscripti, et ante hac in lucem non editi. [ 22 ] Picatrix, de necromantia liber, magica tractans, ex arabico in latinum conversus sermonem; habens varios magorum notas et characteres. Liber satis magnus in folio maiori. [ 23 ] Annulus Salomonis, liber etiam magicus, cum suis figuris; in membrana, scriptus in folio. [ 24 ] De geomantia liber, in membrana, scriptus antiquissimus, qui etiam in latinum ex ara- bico translatus est sermonem. [ 25 ] Biblia arabica manu conscripta, quorum exemplar raro admodum invenitur. Haec filius meus Paulus Byzantii comparavit, et secum Viennam Austriae attulit. [ 26 ] Alcoranus, arabica lingua scriptus, qui fuit Turcici imperatoris filii, qui strangulatus fuit; literis aureis et aliorum colorum exornatus, ut nullum librum sciam, quem huic ob elegantiam comparare debeam, adeo pulcher et eximius, ut sit instar lapidis preciosi.