Page - 912 - in Jacopo Strada and Cultural Patronage at the Imperial Court - The Antique as Innovation, Volume 2

912 Appendices deinde ipsos hortos et viridaria cum suis habitationibus. Post haec cubicula dimensus sum, cum omnibus suis cohaerentiis, figuris et picturis; quae quidem omnia et singula facta sunt exquisitissima cura et studio. Ex his quoque egregius posset confici liber, qui descriptione praecipuorum in eo locorum posset exornari, et sic esset liber aeque scriptus et delineatus. Praeterea sunt apud me omnes res et figurae cubiculorum om- nium, quae sunt in arce Mantuana, cum suis historiis et dimensuris delineatae, quas etiam architectura in se habet. [ 43 ] Liber de Roma, continens in se omnes res memoratu dignas delineatas. Item porticum seu deambulatorium summi pontificus romani, vulgo La loggia delle crotesche appel- latum. Hoc inquam etiam in libro, qui habet centum folia, mea pecunia delineandum curavi. In isto deambulatorio omnes prope Biblicae historiae manu Raphaelis de Ur- bino, celeberrimi pictoris, sunt depictae. Et sunt certe elegantissima et artificiosissima opera. Nec non statuae variae ex limo argillaceo, cum aliis commixturis, plasmatae et effigiatae; ut eis similes vix in toto mundo inveniantur, et quidem pulchriores antiquis- simis insignium artificum operibus. Praeterea ego ista omnia opera, quae in summi pontificis camera, sive cubiculo, a praefato Raphaele Urbinate picat et facta sunt, apud me delineata habeo, nec non quorundam eorum originalia penes me sunt. [ 44 ] Liber alius, nempe descriptio totius Italiae, latina a fratre Leandro Alberto bononiense composita, et in lucem edita. Hunc librum ego multis in locis exornari et augeri feci variis et utilibus, iucundusque rebus. Nempe curavi in eum in ligneas formas depingi et insculpi omnium praecipuarum civitatum figuras; item insignia nobilium quoque urbe degentium. Post haec curavi penes unam quamlibet urbem ascribi et annotari, appo- nique res cunctas inibi scitu dignissimas, nempe aedifitia antiqua et inscriptiones, nec non epitaphia cum suis ornamentis et figuris historicis incisa marmoribus. Sic etiam addita sunt primaria templa et palatia, et alia memoratu digna opera, quae in istis civitatibus sunt, et visuntur. Ultimo post descriptionem civitatis cuiuslibet figura, seu tabula, typum et formam, situmque istius continens, una cum ipsius insignibus sive armis. Adiuncti sunt et imperatores romani, si aliqui ex earum territorio prodierunt, cum succincta vitae et mortis, imperiique temporis descriptione, una cum ipsorum armis gentilitiis et numismatibus vivam effigiem repraesentantibus, cumque eorum retrosignaturis. Sic etiam post descriptionem cuiusvis civitatis inserti sunt pontifices romani, cardinales, archiepiscopi et episcopi, nec non principes, duces, marchiones et comites etcetera, qui in ea in lucem editi sunt. Et post horum quemque eius arma gentilitia suis, propriis et competentibus coloribus picta; praeterea quae et qualia do- minia et possessiones habuerint. Sic etiam nobilium istam urbem et eius diocesim in- colentium arma colorata. Postremo loco additi sunt singuli civitatibus viri doctrina et eruditione excellentes ibi orti, qui aliquid praeclari scripserunt et in lucem ediderant,