Seite - 151 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

3. Das Hofmeisteramt unnd reidtstall mit essen, trinnckhen, habern , heÿ , streÿ unnd allen anndern sachen ausgeben, verzerdt oder verschwendt, sonnder schaden unnd spot verhuet werden. [§ 5] Wo er bei ainem oder mer officiern , knechten unnd dienern, die ime von unnsernntwegen gehorsam zelaisten gelobt sein oder hernach mit glub ver- strickht werden (ausser des oberkhellners unnd desselbigen zuegehörigen diennern, aines grunndtschreibers , wein khellners , ainem, so das räntambt verwallt, kuchlmaister , phistermaister unnd vorstmaisters , die wir unns mit iren gluben unnd ambts raittungen bevor behalten haben wellen) ainicherlei unfleis, unordnung, untreu oder ungehorsamb befunnde oder erinndert, soll er mit notturfftiger unnd gebürlicher straff verfarn unnd dermassen einsehung thuen, damit wie vorbestimbt albeg guete pollicey unnd ordnung aufgericht unnd erhalten werde. [§ 6] Er soll auch laut aines inventari unnsere reit rosser irer zuegehörung in bevelch haben, bei den reitknechten darob sein, das sÿ den rossen vleissig warten unnd sonnderlich zichtig unnd nit aufruerig helten, auch di fuer zu des gozhaus notturfften treulich angetailt unnd in dem gschierhof guete wirtschafft gehalten werde. [§ 7] Die harnasch chamer , geschüz , pulfer , kugl unnd annder khriegsnotturfften, so diser zeit bei dem gozhaus ist unnd hernach darzue kumbdt, soll er in gueter huedt unnd verwarung haben, zeit seines abzugs, sambt allen anndern seinen hanndlungen widerumben überanndtwurten. [§ 8] Wover das sich krieg zuetruegen unnd des gozhaus unnderthannen , die zu merberuertem gotshaus ir zueflucht werden haben, soll er mit irem leib unnd guet, wie er des stat haben mag, unnderpringen unnd bevolhen haben. [§ 9] Wenn es not wurde, soll er von des gozhaus aigen oder dörfern den funnfften man zuerhaltung des gozhaus zeitlichen erfordern unnd in guete ordnung stellen. [§ 10] Mit dem hofgesünndt wirdt er zuhanndln wissen, doch ist von nöten, das sich all officier unnd diener, so nächtlicher zeit ausser des closters gelegen, in solchen leüffen all in des closters thuen unnd daselbst pleiben. [§ 11] Er soll in albeg unnuz unnd übrigen costen verhuetten, anzal der personnen, so man unnderhalten mues, aigentlich aufschreiben unnd offt abzellen, di turniz mit ordnung ernnstlich unnd sträfflich helten, damit nicht widerwär- tigs gehanndlt, nach furgenomen werde. All überig unnd unnuz personnen, die sich bei dem closter oder in desselbigen zuegehörigen heusern ennthalten 151