Seite - 152 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition woltn, soll er abschaffen unnd aufs peldist wegkhthuen, aber die armen ellendten haus armen leit albegen bevolhen haben. [§ 12] Ime sollen all schlusel zu allen thorn zuegestelt werden, das durch sein verordnung mit auf- unnd zuesperren somer - unnd winters-zeiten morgens unnd nachts guet und getreu verwarung beschehe. Unnd nämlichen, wenn man bei dem gozhaus weinschenckht , soll er bestellen, wann sich auffruer zutruegen, das mit der eil zuegschlagen unnd gesperrt werde, damit er sambt des gozhaus diennern, die ime auf sein erfordern gehorsamb sein sollen, desto statlicher hanndlen unnd die aufruerigen zu der straff pringen möge. [§ 13] Ob zuzeiten zu dem gozhaus versehens oder unversehens erlich gest khe- men, soll er in unnserm haimbwesen ansagen unnd dieselbigen emp- fahen, einladen unnd mit gepürlicher notturfft versehen. Aber in unnserm ab[w]esen solliche gesst mit ziemblich versehung, wie sich aines ÿeden stannds nach gepürt gewirten unnd unns alßdann anzaigen. Er soll aber das gozhaus mit besonnder unnd beschwärlicher gasstung nit beladen, nach an unnser vorwissen zu kuchl unnd kheller wider gepür schaffen. Ob ime seine freundt oder sonnst ain guter man khomen, soll er unns anzaigen, wellen wir unns mit gewirtung derselbigen gepurlich hallten. [§ 14] Wenn er in des gozhaus sachen unnd hanndlungen überlanndt geschickht wirdt, soll er mit zimblicher zerung versehen werden. [§ 15] Die weil aber nit all zuefallendt sachen, so ainem hofmaister des gozhaus unnd unnser nottdurfft zuhandln gepürn, disser zeit mueglich in schrifft zuverfassen, derohalben beholten wir unns gegen ime, der unns glübt ist, nach nuz unnd nottdurfft des gozhaus in sollichem ambt vorbemellt anzeigen unnd khunfftige bevelch bevor, die zu miniern unnd mern. Darinnen er sich laut seines revers unnd phlicht in albeg getreu unnd gehorsamblichen in seinen diensten hollten solle. Zu urkhunndt, sein zwo gleichlauttenndt instruction aufgericht, deren ÿeder tail mit des anndern pedtschadt unnd aigner hanndt unnderschriebung verfertigt, ainen zu seinen hanndten genomen. [E] Actum den ersten tag des monats Augustÿ im fuennfzehenhundert fuennf- fundvirzigisten jar. [L.S.] Wolfgang probst zu Closterneuburg m.p. 152