Seite - 156 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition [§ 10] Mit dem hofgesinndt wirdet er zu hanndlen wissen, doch ist von notten, das sich all officier unnd dienner, so nachtlicher zeit ausser des closter glegen, inn sollichen leiffen t in das closter thuen unnd daselbst pleiben. [§ 11] Er soll in alweg unuz und uberige cossten verhuetten, anzall der personen, so man unnderhallten mueß, aigentlich aufschreiben unnd offt abzellen. Die turniz mit ordnung ernnstlich unnd strafflich hallten, damit nicht wider- wärtigs gehanndlt, noch furgenomen werde, all uberig unnd unnuz person- nen, die sich beÿ dem closter oder inn desselbigen zuegehorigen heÿsern ennthallten wollten, soll er abschaffen unnd aufs peltist wegkh thuen, aber die armen elennden hauß armen leÿt alwegen bevolhen haben. [§ 12] Ime sollen alle schlussl zu allen thoren zuegestöllt werden, das durch sein verordnung mit auf- unnd zuesperen, somer - unnd winters zeiten, morgens unnd nachts guet und getreu verwarung beschehe unnd namblich, wenn mann beÿ dem gozhaus weinschengkht , soll er bestöllen, wenn sich aufruer zuetruegen, das mit der eÿll u zuegeschlagen unnd gespert werde, damit er sambt des gozhaus diennern, die ime auf sein erfordern gehorsam sein sollen, desto statlicher hanndln unnd die aufruerigen zu der straff pringen möge. [§ 13] Ob zu zeitten, zu dem gozhaus versehens oder unversehens erlich gest khö- men, soll er inn unnserm namen emphachen unnd mit zimblicher notturfft, wie sich aines jeden standts nach gepuert, gewirtten und versehen. [§ 14] Wenn er inn des gozhaus sachen unnd hanndlungen uberlanndt geschigkht wirdet, soll er mit zimblicher zerung versehen werden. [§ 15] Diewell aber nit all zuefallendt sachen, so ainem hofmaister des gozhaus unnd unnser notturfft zuhanndlen gepuern, dieser zeit muglich inn schrifft zuverfassen, derohalben behallten wir unns gegen ime nach nuz und not- turfft des gozhauss inn sollich ambt vorbemellt anzaigen unnd khunfftigen bevelch bevor, die zu minern unnd meren. Darinnen er sich laut seines reverß unnd pflicht in allweg getreu unnd gehorsamlichen hallten solle. Zu urkhundt sein zwo gleich lauttendt instruction aufgericht, deren jeder taill mit des anndern pedtschafft unnd aigner hanndt underschreibung verfer- tigt, ainen zu seinen handen genomen. t folgt gestrichen: all u so in A ′; das gestrichene Wort in A nicht mehr lesbar 156