Seite - 374 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition 68. Revers des Meiers und der Meierin in Tuttendorf Hans und Barbara Ridinger Klosterneuburg, 1559 Juli 30 A StAKl, K 206, Nr. 2. Aufbau: P – 9 – E – A: Beschreibung der zum Meierhof Tuttendorf gehörigen Gründe. Überlieferungsform: gesiegelteAusfertigung (drei Siegel: Hans Ridingersowie Wolf Auper- ger und Veit Payr, beide Bürger in Klosterneuburg, für Barbara Ridinger). [R] Ich, Hannß Ridinger , auß der Ridinger pfarr beÿ Lanndßhuet unnd Barbara, sein eheliche hausfrau [§ 1] bekhennen hiemit offentlich in crafft dits briefs, das unns die ehrwierdi- gen in got unnd geÿstlichen unnser genediger unnd günstig herrn, herr Peter , probst unnd der convent gemainlich unnser lieben frauen gotshaus Sanndt Leopolds stifft zu Closterneuburg zu ierem des gotshaus maÿr unnd maÿrin zu Tuttndorff mit beÿsein der ersamen achpern Wolffen Auperger , Veitten Paÿrn , pedt burger zu Closterneuburg , so auf unnser seÿttn umb unnser fleissig gebet willen dabeÿ gwest, auch in beÿsein ierer gnaden hofmaister Veiten Tanner bstelt unnd aufgenomen haben, dermassen, das wier obbemeltem unnserm gnedigen herrn prelattn unnd seiner genaden nachkhumen zu allen ieren unnd des gotshaus notturfften geloben unnd verpflichten mit unser paÿder selbs personen sambt ainem wagenkhnecht , pueben, maÿrdiern unnd dirnl , die wier obbemelte khanleüt selbs besoldnen sollen, wohin sÿ unns in ieren unnd des gotshaus notturfften schieckhen, prauchen (nichts außgenomen) wolten, gehorsam unnd gwärttig sein sollen, nach unnserm pesten müglichen vleiß ieren unnd ieres gotshaus schaden wennden unnd frumen befüerdern, wie wier dan solchs ierer genaden hiemit diesem reverß unnd zuvor inhalt aines durch ier gnaden aufgerichten unnd durch mich aÿgen pedschadt geferttigt inventarÿ , darneben unns unnder ernennts unnsers genedigen herrn pedschaden unnd hanndt unnderzaichen in gleicher laut ain inventarÿ unnd neben bstallbrief verferttgit unnd zuege- stelt, beÿ unnsern ehren unnd treuen demselbigen nachzukhumen angelobt , vergheÿssen und geredt. [§ 2] Dagegen hat unns unnser genediger herr alle jar järlichen, davon wier vorermelte ehehalten ierer jars besöldung entrichten sollen, zubesoldung zweunndfüerzigckh gulden reinisch ainer jeden quottember oder wan es die gelegenhait gibt, außzuzalln. Auch hat unns unnser genediger herr wochentlich inhalt bstallung auf ainen rabisch zunemen achtzehen phundt fleisch , den selben rabisch geloben wier villermelte khanleüth monatlich 374