Seite - 504 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition [§ 41] Die fasser sauber zu behalten Daß du die fässer sauber behaltest, dos sie nit schumplich werde noch van dem unflodt, ungeschmoch sein, es ist guett mit l guetten gesalzen wosser gewaschen, dornach soll mans an der sohnen drueckhen lossen werden unnd rauchs fein mit weirhrä , darvon werden sieß unnd guett. Wen du ein voß host, darein zäher wein ist gewest, so prenn es mit stro oder khraneweten woll auß, das ist guett. [§ 42] Die wein abziehen Item in dem lezten viertl des Heÿmon, des Apprili unnd Prachmanat ist der wein guett ab zu ziehen, dornach biß in denn m herbst nimber guett. Wilstu einen wein nit gehrn abziehen unnd wilt dos er dir bestendig bleibt, nimb ein khleines väßl , das ain emer oder zwen dorein gehen oder khleinner, gib baiden vässern n, dem vollen und löhren, ein einschlog unnd darnach wider in 24 stunden oder wen du der weill host ain gefilt unnd wider zu gepeilt, so bleibt er bestendig unnd guett. [§ 43] Die väßer zue beraithen zum abziehen Erstlichen nimb haiß wollandt wosser, nimb auf ein halben dreÿling ein groß schoff voll, dernach vermach den spundt, sturz auf denn potten und auf den andern, das er sich techtel, thue das wosser wider herauß unnd wenn der dampf vonn dem voß herauß ist, so magstu ein einschlag auf drei finger praidt ain voß abbrennen, sonsten zu zeiten lost man soviell wosser drinen stehen, das ist nit guett. Nimb ein handt voll oder zwo khraneweten pehr oder pfersch laub, auch wollmueth unnd seits in woser, prenn des schmeckhet vaß dormit auß unnd zwo handt voll solz dorin, darnoch wasch dormit auß gor sauber, wie oben vermelt, aber von dem obziehen wein vom gleger soll der weinstain abgeschopf werden. Unnd noch dem abbrennen des voß mit frischen wasser ain tag oder zwen stehen lossen, dornoch den einschlog prinen in ein wein grinß väßl , das soll man mit einen getrolten wein ausbrennen, das ist guetter. [§ 44] Khosten unnd probierten wein zu khauffen Wasch den mundt sauber auß, iß auß ainen schönen prun wasser, drei oder vier pisen prodt , nichtern, etliche essen opffel , dos sie denn geschmachen leichter erkhennen, auch das weder hoider ist, so solt man die wein cösten, l folgt gestrichen: mit m folgt gestrichen: winder n folgt irrtümlich: väsern 504