Seite - 505 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

10. Kelleramt, Weinbau und Weinzehent auch die forb zu khennen geben, so seindt sie am besten beÿ der forb unnd geschmach. [§ 45] Hernach volgen etliche schönne stuckh, wie man die wein lautter unnd khlar machen soll Farb ann einen wein guett und bestendig zue machen Item nimb zue einen fuetter ungestelten unnd trieben wein ain halbe maß wormbe khuch millich , die erst gemelchent unnd sovil waist khernen , thue pelg darvon, wasch in ein schönen wasser, thue also gantz under die milch unnd dornach als ins vaß , bewegt den wein ain stundt woll mit einen riedt- scheid, fiels vaß mit guetten wein unnd schlogs zu, in 15 togen ist der wein schön und khrefftig, die milch gibt im die forb unnd der wätz dem geschmahen und gesundheit. [§ 46] Ein annders Nimb 24 aÿr khlor geleuttert, sandt oder grieß , semel mell oder imber thumb, geuß in das vaß unnd des weines jedes ein holbes mäßl, misch durch ein ander, geuß in dos voß zu dreÿ mallen, riers mit einen riedtscheid, er wirdt guett, frisch, lautter, so er sich sagt. [§ 47] Auf ein anndere weiß Item nimb 25 aÿr , ain guetten quort salz , ain handt voll sembel mell oder imberthumb , alles undereinander georbeith mit einer oder zwo maß milich unnd mit sovill salve. [§ 48] Farb ainen wein zuemachen, wo roth forb und trieb ist Item nimb zu einen fuetter 25 aÿr khlor, zerschlogs woll, misch dorunder zwo maß gaiß- oder khue-milich , zerschlogs mehr unnd geuß in denn wein unnd rierß woll in dem vaß mit einem rierscheidt, loß in also rieren, so wierdt er lautter. [§ 49] Frisch, lauter wein zuemachen Item nimb oder thue also o fier zwenn pfennig sieß milch inn denn wein unnd misch in woll, so wiert er lautter in dreÿ tagen. Die millich mueß gor woll abgenomben werden, sie dos khein foistigkheit in ir haben. [§ 50] Rott farb wein wider zue reht bringen Item nimb ein pfundt bleÿweiß , stoß khlein unnd ein holb pfundt mandl khern , mach millich dorauß, rier den wein erstlich gohr, geuß ein wenig o über der Zeile ergänzt 505