Seite - 508 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition [§ 58] Trieben wein lautter zue mochen Item nimb pran per laib, heng es an einen foden in denn wein , er wierdt lautter schön, den es ist offt probiert worden. [§ 59] Gar trieben wein schön lautter zue mochen Item nimb ein h(and voll) umberthumb unnd nimb ein pfenning sembel mell dorzu und auch des weins , mach ein mießl dorauß und riere denn wein gohr woll von erst unntzt biß auf die mitten, geuß ein wenig wosser dorein und rier zwier so lang (. . . )u, dornach geuß die vorgemacht matterei inns vaß (. . . )v gor woll durch ein ander, fill dos voß zue (. . . )w, so wirdt er schönn lautter oder geprenndten loimb oder aber gesotten most , so wierdt er gor bolt khlor unnd lautter oder nimb sofferion als ain aÿ wie vorgemelt, ist worden von sofferian. [§ 60] Zäch braunn trieb wein frisch, lautter unnd klar zu mochen Nimb x einen fuetter wein , allaun 1 h(and voll), den selben schön khlein zerstossen unnd alß dan durch ain sib geföht, vonn 28 aÿren das weiß y dorauß genomen, ein handt voll solz , das olles durcheinander gerieret, nimb auch deß selben weins , ain 4 oder 5 khandl dorein gegossen, unnd wie vorgemelt, dorein abgerierth. Uberloß daz vaß wein , dos diese moderi dorein mog, alß dan geuß dise motteri in dos voß wein herein unnd woll durchein- ander geriert, loß die moteri imer zu herinen, biß dos daz voß gefilt wierdt. Dornach loß den wein rieren, so wierdt der wein in acht tagen frisch, lautter, khlar und schön oder rier am ersten denn wein im voß woll und thue ain holben aimer wein auß dem selben voß und rier in biß der faimb im spundt herauß gehet, nimb von 28 aÿren dos weiß herauß, sembel mell , millich unnd durcheinander gerieret unnd geschlogen unnd dos voß wein gegossen unnd aber moll vollgeriert und zugefilt; und peils woll, verstreichs mit laimb, spreng baiden potten mit kholtten wasser, loß in rosten ein 14 tog, so wierdt der wein frisch, guett unnd wollgeschmoch unnd wenn der wein ein weill lige, so wirdt er von geschmach schmeckent unnd muest in alsdan abzihen, du dorffest dich weitter kheines ungeschmoch besorgen. [§ 61] Trieben wein lautter zue machen, das er nit schwer wierdt Nimb wermuet wurtzen, machs schön sauber unnd legs in denn wein , so wierdt er nit schwer. u Blatt abgerissen, mehrere Wörter fehlen v Blatt abgerissen, mehrere Wörter fehlen w Blatt abgerissen, mehrere Wörter fehlen x folgt gestrichen: zu y folgt irrtümlich: dos weiß 508