Seite - 512 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition [§ 81] Wan ein wein ein besen geschmach hat Item nimb pfersich kherrn und weise inber einen vierting unnd stoß dos khlein unnd loß wein doron unnd geuß in dos voß umb 2 d gaiß millich dormit gemengt. [§ 82] So ein wein zue lautter ist, so man in die wosser sucht haist (. . . )ll [n]imb ein geprenten maur zigl, der rot ist, dos er gor khlein (. . . )mm unnd föhe es durch ein sieb oder leines thuech, vier (. . . )nn dos voß beÿ dem peill hinein unnd aÿr totter von (. . . )oo riere sie woll ab unnd geuß in dos voß , riers ob (. . . )pp uberoll in dem vaß sein, so wierdt er schön. [§ 83] Wan ein wein grien ist Item nimb schwebl ain woitz ain dreitag in ainen storckhen prandt wein , ist er ober essentlich dorzue, so nimb ain podtschwamben unnd wosch in sauber auß unnd leg in auf denn spundt, so wiert er storckh unnd gueth, denn weitz mustu in ain söckhl hinain hengen auf die mitten unnd von ain drei tag hengen lossen. [§ 84] So ein wein schwartz farb ist und nit lautter will werden Nimb auß disen voß ein großen kheßl voll wein , moch den sietten, rier denn wein in dem voß mit einen rierscheidt gor woll, geuß den wider in dos voß hinein also wormben unnd verspundt. [§ 85] Alliudt Nimb jung eÿberuß grienes holz unnd hackhs zu scheidern, leg dos dritll in dos feur , so rindt hinten ein wosser herauß von denselben, nimb ein aÿr scholl voll, geuß in dos voß wein , so wiert er gerecht. [§ 86] Das sÿ khein wein nit brecht Nimb schwebl 2 thaill unnd weisen weiroch ain thaill unnd loß unndereinan- der unnd zeuh spenlein dordurch unnd zint sie ann unnd loß dos voß an sein orth legen unnd loß denn rauch in dos voß gehen, moch dos peill ein weill zu, so bricht khein wein in denselben voß nit unnd bleibt alweg wolgeforbt. ll Blatt abgerissen, mehrere Wörter fehlen mm Blatt abgerissen, mehrere Wörter fehlen nn Blatt abgerissen, mehrere Wörter fehlen oo Blatt abgerissen, mehrere Wörter fehlen pp Blatt abgerissen, mehrere Wörter fehlen 512