Seite - 638 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition [§ 9] 9. Zum neündten, er pfistermaister soll auch zu den pachtägen neben seinem undergebenen speiser vleissig achtung auf daß gesündt geben, sonnderlich zu nacht aufstehen unnd ihnen nachsehen, ob sie auch mit dem gebäch treülich unnd recht umbgehen, khein brodt underschlagen oder verstossen. Da er dergleichen gewahr wüerdt, deßwegen mit gebüerlicher straff gegen ihnen verfahren. Auf die junger soll der helffer auch vleissig achtung ge- ben, daß sie daß gebäch recht herfüehren unnd dasselbige nit verderben oder sonnst verwahrlosen, dann ihme sonnst der schaden guettzumachen obgelegen sein will. Wann es nun außbachens zeit, es seÿ beÿ tag oder nacht, soll der helffer ehundter khein brodt auß dem offen nemben, sonndern es dem speiser allwegen zuvorher anzeigen, solches alßdann in seinem beÿsein herauß nemben unnd in die außspeiß tragen lassen. Waß dann nun ein jedes gebäch , es seÿ revent -, beschlagens- oder gesündtbrodt , geben, durch den speiser vleissig gezehlt unnd aufgeschriben werden, zuvorhin aber die zahl der paar brodt dem pfistermaister anzaigen, ob es genueg ertragen oder nit, sich darnach reguliern khönne. Unnd soll pfistermaister weder dem speiser noch dem peckhen jungen (ausserhalb deß helffers deme von jedem semel gebäch unnd sonnst gar von kheinem anndern zwaÿ laibel zunemben vergundt sein) einiches paar brodt nit gestatten. [§ 10] g10. Nachdeme auch zue jährlichen lesen s-, sonnderlich aber starckhen wintters -zeitten daß mell hefftig aufgehet, die mühln beim gottshauß auch schlechtlich umbgehen, also soll pfistermaister dahin gedacht sein, daß er allezeit gegen dem wintter daß beschlagen unnd gesündt brodt umb etwaß cleiner unnd geringer, alß zue sommers zeitten beschicht, pachen lasse unnd die zahl der brodt , weil es von zechen gestrich melb (doch geringers brodt) beschlagens 325 unnd gesündt brodt 335 par minder oder mehr, deß grössern aber beschlagens 312 unnd gesündtbrodt 320 paar, nach gelegenheit deß gebächs unnd der grösse geben khann, neben dem revendtbrodt , alß von g –g in A ′gestrichen, stattdessen auf einem Blatt eingefügt: 10. Nachdeme auch zur järlichen leßens 〈folgt gestrichen: zeiten 〉, sonnderlich starckher wintters zeiten daß mell hefftig auffgeet, die miehln beim gottßhauß auch schlechtlich umgehen, also soll pfistermais- ter dahin gedacht, darob unnd daran sein, damit alle zeit gegen dem wintter daß beschlagen unnd gesündtbrodt umb etwaß gleiner, alß zue sommerß zeiten beschicht, gebachen werde, die zahl der par brod aber, weil man 〈über der Zeile ergänzt, stattdessen gestrichen: es〉 beÿ jetziger größe auß 10 gestrich römischmell gar wol 382 〈korrigiert 〉, 384 oder 385, deß gesündtbrodts ebenermassen auß 10 gestrichen gesündtmell 420 oder 415 par unnd vonn dem metzen sehmelmelb 82, 84, 85, 86 oder 87 par revent laibel 〈ein par gestrichen 〉 nach dem gewicht der 12 loth 〈könden gestrichen 〉 sovil brodts pachen khan, also soll pfistermaister hiermit alles ernsts und beÿ erstattung deß abgangs hirmit aufferlegt sein, daß er hinfüro in der wochen zetlen die obige zal aller sortten brodt unnd weniger nit einstellen unnd specificieren thüe, dann nur sonst der rest guet zue machen obgelegen sein wurd. 638