Seite - 657 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

13. Das Spital und die Stiftsapotheke [§ 8] In der sütten soll er, wie bishero beschehen, wochentlich dreÿ tag fleisch speissen unnd guette anordnung thuen, damit den armen leutten nit allein das fleisch , sondern auch andere speisen, so innen gereicht, sauber und vleissig gekhocht werden, damit sÿ sich zubeschwären nit ursach haben. [§ 9] Spitlmaister soll seinen tisch mit gebüerlicher khost versehen, khain uber- flus unnd verschwendung nit brauchen und denen in der sutten an den hochen festtägen ain oder zwo, nicht mehrers als sonsten gebreuchig, nach guetthaissen des herrn prelaten geben lassen. [§ 10] Die jungen khinder, so unter zehen jaren unnd zu zeiten in das spital genom- ben werden, darauff soll spitlmeister khain fleisch egben oder nemen lassen, dan sÿ gar woll mit milch unnd anderer speis zu unterhalten. [§ 11] Füer ain person in der sutten , auch ainen ÿeden dienstpotten im spital soll taglich ain halbe gesindt wein , aber füer den spitlmaister unnd sein weib auff ÿedes ain achtering oberes pröbendt gespeist werden. [§ 12] Wan aus den armen leütten, sÿ sein pfrientler oder frembte, gleichermassen von den dienstpotten ÿemants abstirbt, soll er alsbalt dem herrn prelaten oder hoffmeister anzeigen, damit das jenig, so sie verlassen, inventiert, beschriben unnd nichts davon veruckht werde. [§ 13] Er soll auff sein ambt ain absonderliches buech halten, darein verzeichnen, wan ain oder der ander dienstbott in oder aus dem dienst stehet, was ÿeder zue jarlicher besoldung hab und hieran in abschlag empfacht. Dasselbige buech soll er als dan zu auffnembung seiner raittung fuerlegen. [§ 14] Maÿrhoff daselbst betr(effend) Nach dem auch im spital ain maÿrschafft von allerleÿ viech unnd geflügl ver- handen, derowegen hochvonnötten, das spitlmaister unnd sein weib guete achtung haben, damit dem viech fleissig unnd woll gewart, daselbige in su- mer unnd herbst zue rechter zeit auf die weit unnd wider zue haus getriben unnd in winter zue gebüerlicher stundt gefüedert werde. [§ 15] Unnd damit dem gottshaus zu nuz unnd ime spitlmeister oder der seinigen zu wenigers verdacht diser maÿrschafft halben ain ordnung unnd richtigk- heit gehalten werde, soll er alle Montag seine wochenzetl dem herrn prelaten oder den jenigen, so herr prelat an seiner statt ordnen möcht, uberraichen, darein nit allein sezen, was er aus dem cammer- , khuchel - unnd pfisterambt auff notturfft unnd unterhaltung deß spitals empfangen, sondern was unnd wievil ÿede wochen khelber , junge färll unnd allerleÿ geflügl gefallen, item 657