Seite - 695 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

14. Der Pferdestall und das Fuhrwesen [§ 10] Es gebüert innen auch in alweg, wan sie aus oder die roß sonnst beraiten, guetten fleiß füerzuwenden, damit sie gern zum färtl gehn unnd nit allein zu ebner f erdt aufsizen laßen, auch die roß nit sprengen oder zum springen gewennen, voraus die selbige roß , die der herr prelat , seine ambtleuth oder officier nit zum pracht, sonnder zu notthuerfft des gozhaus reiten müeßen. [§ 11] Auch soll innen unndersagt sein, ohn vorwißen des herrn hoffmaisters die roß nit aus zuleichen, khein frembt oder leichtfertig gesindt im reitstall oder iren cammerenn, sich auch selber nit außer des gozhaus beÿ leichtfertigen personen oder an verdachtlichen örttern aufzuhalten, auch sonst nichts, das dem gozhaus entweder nachthail oder schimpflich erscheinen mochte, an die hanndt zu nemmen, sondern, da einer uber nacht herberg oder sonnst roß zu leichen begert, den selbigen zum herrn hoffmaister weisen unnd kheinen ohn sein vorwißen uber nacht aufzuhalten. [§ 12] Wan man beim gozhaus leidtgebt oder sonnst der her hoffmaister beÿ tag oder nacht den diennern uberzugehen, was dieselbig füer wirtschafft phle- gen, sein sonderlichs aufsehen zuhaben willens unnd füerhabens ist, soll aus innen ainer, zween oder mehr auf wolgefallen des herrn hoffmaisters mit gehn, ime gewartich sein, auch in aller gefarlichkhait unnd verfallender notth threulich beistandt erzaigen unnd laisten. [§ 13] Sollen auch zu hoichen festen, wan der her prelat selber sinngt, umbgeht oder sonnst zu anderen zeiten außgeht, sich erzeigen, irer g(naden) auf den diennst warten unnd ohn erhebliche ursachen, vorwißen unnd erlaubens herrn hoffmaisters nit außen bleiben, in bedenckhung das anndere des goz- haus dienner irer geschäfft unnd obligunder diennst halben sich nit alle zeit erzaigen, noch zu gegen sein khunnen. [§ 14] Auch ist innen, jezuweillen von khuchl oder kheller , das was sie gepüert, nit geraicht wurde, solle innen unndersagt unnd verpotten sein, die officier selber zuuberlauffen oder pese unnuze wart zugeben, sonder den mengl oder abganckh dem herrn hoffmaister , der gebüerliche einseheung thun wirt, anzuzaigen, damit aller zanckh unnd uneinigkheit verhuet unnd vermiden bleib. f folgt gestrichen: ebner 695