Seite - 716 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition maister Hanßen dargab oder verlag unnd mit des gottshauß zuegehörigen holz vleissig unnd sauber khochen lassen unnd in genedig also verhalten, das einige billiche khlag weder ime dißfahls nicht fürkhomme. [§ 7] Item, wo sich etwo frembde persohnen umb stallung anmerckhen unnd khainen bevelch von herrn praelathen nicht brächten, solle er niemandt ein- lassen, beherbergen, noch in die ställ frembde roß einzuestellen verstatten. [§ 8] Auch solle gemelter wierth schuldig unnd verpunden sein, dem herrn prae- lathen , wann er aigner persohn zue Wienn ist, soviell ohne schmellerung seiner nahrung sein khan oder herr praelath dessen bedürfftig sein mechte, jederzeit gewerttig zue sein. Desgleichen auch sein eheweib, da etwo ein mangel oder abgang an nothwendigen persohnen zue versorgung der khuchl erschine, wann sie destwegen angesprochen wurde, guetwillig hierinnen beÿ zue pringen unnd zue helffen, welliches gegen beeden persohnen ainem verdienst gemäs hinwiderumb von herrn praelathen solle erkhendt werden. [§ 9] Wan an den herrn praelathen brief in das hauß geben werden, soll er die- selben von bekhanten persohnen oder die von ierer m(ajestä)t unnd herrn verordenten außgehen, emphachen, vleissig aufheben unnd mit eheister gelegenhait, nach dem die sachen wichtig, überschickhen. In summa des gottshauß wolfart unnd fromben solle er seinem besten vermügen unnd ver- standt nach in allen übrigen, ab woll hiroben außtrüekhlich nicht begriffnen sachen unverdrossen fürdern unnd dessen schaden verhietten. [§ 10] Doch behelt ime d herr praelath bevor, dise ordnung zuveränndern, auch ganz unnd gar aufzuheben, ja da er maister Hanß mit nichthaltung dißer instruction oder in ander weg verursacht gennzlich abzuschaffen in alweg bevor. [§ 11] Hergegen ist er, maister Hanß , zinß freÿ unnd mag sein gewerb, wie sichs ge- bürt auch mit enthaltung eines eingezognen stillen schneider gesellen, doch alles auf sein selbst aignen gewin unnd verlust, ohne des herrn praelathen entgelt, treiben unnd sich erbarlich nehren. Sonsten ist der herr praelath ainiche jahrs besoldung oder anders ime zuegeben nit schuldig. [§ 12] Unnd demnach ier gn(a)d(en) vorhabens, eheist ierer verorndten dienst aufzuegeben unnd daher sich mit grosster ungelegenheit unnd schwären unkhossten mit notturfft des holzs ein ganzes jahr hindurch beÿ so vielen feuerstetten werden zuversorgen haben unnd dannen her bessere achtung d folgt gestrichen: auch 716