Wir freuen uns über jede Rückmeldung. Ihre Botschaft geht vollkommen anonym nur an das Administrator Team. Danke fürs Mitmachen, das zur Verbesserung des Systems oder der Inhalte beitragen kann. ACHTUNG: Wir können an Sie nur eine Antwort senden, wenn Sie ihre Mail Adresse mitschicken, die wir sonst nicht kennen!

unbekannter Gast
Anzeigen

Bild 'kafka'

Zimt und Zucker#

(Mini Fabula Echo)#

von Eva Surma

Waun i dia ane zinnt,
daun moch kan zucka.
Wal wauns mi ibakimmt,
bin i am Drucka.
Waunst imma nua bled maulst,
kriag i an Rappl.
Daun flipp i anfoch aus.
Mia reichts mit dein Gezappl.

I zupf dia anfoch ane.
Daun schaust bled aus da Wäsch.
Du bist a schiache Olde.
Dabei woast amol fesch.
Nua heit is des vagessn.
Vül Zeit is schu vagaungan.
Wos mi no freit is fressn.
I hob sunst ka Verlangen.

I bitt di: Moch kann Mucka!
Moch mia a Koch aus Griaß,
mit gaunz vül Zimt und Zucka.
Daun is mei Leben siaß.