Seite - 907 - in Jacopo Strada and Cultural Patronage at the Imperial Court - The Antique as Innovation, Band 2

907Appendices Mantuani, quea eo tempore cum Vienna obsideretur fuit picta. Ac visuntur in ea horti amaenissimi, quorum aliqui habent labyrinthos; item palatia, ac pagi, villaeque extra civitatem. Denique sub montanis cernuntur vici, utpote Berchtoldi pagus, vulgo Peters- dorf, Medlinga, Prun, Liechtenstein, et alii quorum quidam muris exiguis tum temporis fuerunt munita. Oculis item cernere datur strages Christianorum quae a Turcis perpet- rantur, et quomodo vicissim Christiani tam viri quam mulieres sese fortiter defendunt. [ 9 ] Altera castrametationis tabula est quoque Solimani imperatori in Asia contra Persas, sed non tamen magnifica sicuti prior. Quia in hac non est tantus diversorum populo- rum et gentium numerus; nec est idem ordo et convenientia in positione tentoriorum, utpote in locis montanis et collibus. Et hoc castrametationis genus fuit delineatum in tabula magna, quam Antonius Verantius, Quinqueecclesiensium episcopus, romani imperatori apud Byzantium legatus, secum inde rediens asportavit; eam autem pinx- erat Gallus quidam qui fidem Christianam apud Turcos eiuraverat. [ 10 ] Tabula oblonga, quae fuit reducta in librum, ostendens, quomodo acie instructa Turca proficiscatur ad bellum cum universo exercitu. Item continens ordinem profectionis domesticorum sive aulicorum ipsius cum praefectis singulis, ac cum eorum diverso vestitu, armaturaque, omnia iucundissima visu. Et hac delineata sunt ex tabula capi- tanei Pollini, admiraldis regis christianissimi Galliarum, qui eam Constantinopoli al- latam regi suo dono obtulit. [ 11 ] Eiusdem argumenti tabulam, quomodo Turcarum imperator proficiscatur ad bellum, attulit Viennam ex Constantinopoli magnificus dominus Augerius a Busbeck, legatus imperatori Ferdinandi et Maximiliani ii. Sed haec multo melius est designata et de- lineata; plures gentes aliasque res in se habet, quam illa Pollini capitanei. Et praefatus dominus Augerius, ut ea ex ipso originali delinearem, sicuti et infinita eius antiqua numismata mihi concessit. [ 12 ] Duae tabulae, novem pedum in quadratura quaelibet. In harum una visuntur, quomo- do Romani sua tentoria in campis posuerint ad similitudinem prorsus castrametatio- nis a Polybio descriptae, tam concine et apte ordinata et distincta, ut in ea ex via sive platea castrensi commode quis in aliam possit transgredi, cum aliis castrorum locis. Et hanc fecit in Gallia Sebastianus Serlius bononiensis architectus, ad christianissimi regis instantiam et mandatum.