Seite - 911 - in Jacopo Strada and Cultural Patronage at the Imperial Court - The Antique as Innovation, Band 2

911Appendices [ 36 ] Liber in quo delineatae sunt omnis generis figurae, tabulae et vetusta elaborata et sculpta sepulchra et monumenta apud Romanos, Neapolitanos, Florentinos, Venetos, Mantuanos et alios Italiae populos. [ 37 ] Liber qui in se continet Traiani imperatoris columnam celeberrimam, manu delinea- tam. Et quidem primo ipsa columna Traiani imperatoris intrinsecus et extrinsecus per se delineata est cum suis historiis et rebus gestis, in uno libro paginis cl comprae- hensa. In hoc libro etiam videre datur omnis generis antiquas vestes et indumenta delineata, quae veteres Romani, tam belli, quam pacis temporibus, et etiam in senatu gestare solebant. Praeterea Barbarorum, cum quibus Traianus varia gessit bella, eo- sque vicit, ad de illis triumphavit, eius temporis habitum et vestitum cernere licet. [ 38 ] Liber alius Romanarum antiquarum vestium tam muliebrium quam virilium formas et figuras representans, ita ut vix excogitari possit, quale quod vis sit vestitus genus. [ 39 ] Duae tabulae delineatae, quibus habetur et videtur quomodo Turci castra sua metari soleant, quod quoque libro comprehendi. Insuper quomodo Turci acie instructa pro- gredi et ad pugnam conserendam incedere soleant. [ 40 ] Item columnam imperatoris Constantinopolitani Theodosii celeberrimam Byzantii extantem, quam quoque delineari et describi Constantinopoli curavi, meis sumptibus, in libro qui habet centum folia; cum omnibus istius figuris et historiis optimo ordine insculptis et incisis. [ 41 ] Item Antonini imperatoris columna Romae extans. Hanc etiam meis impensis Romae in librum transferri curavi, sicuti libros Traiani et Theodosii supra nominatos. [ 42 ] Liber in quo pulcherrimum et clarissimum in orbe terrarum palatium (italice vulgo del Thi appellatum), delineatum est. Hoc sclopeti ictu extra urbem Mantuam situm est, et optime secundum praecepta et leges architecturae extructum, atque pulcherrimis et iocondissimis picturis exornatum est. Hoc palatium meis sumptibus delineari feci. Primo dimensio omnium eius fundamentorum intrinsecus et extrinsecus facta est;