Seite - 913 - in Jacopo Strada and Cultural Patronage at the Imperial Court - The Antique as Innovation, Band 2

913Appendices addita librorum serie et enumeratione; ac ubi et quando excusi sint. Et istum ordinem observavi in isto integro opere, seu libro. Ad hoc opus seu volumen inprimendum iam plures figurae civitatum incisae et sculptae sunt in ligneis tabulis, seu formis; plurimae vero ad incidendum in ligno iam depictae, suntque omnes ferme eiusdem magnitudi- nis universales; tamen regionum et provinciarum, Italiae formae reliquis sunt maiores, instar vulgarium cosmographicarum tabularum. ... Habeo praeterea ad huc in mea bibliotheca et museo multas alias pulcherrimas res, de numismatibus antiquis ethnicis, et aliis perveteribus operibus, quas omnes et singulas nominare et recensere non solum dificilium et laboriosissimum, sed et per molestum est. Has quoque res maxima cum industria et labore, nullis parcens hac in re sumpti- bus in diversis terrarum orbis partibus conquisivi et comparavi. [ 46 ] Sunt praeterea apud me commentariorum reipublicae romanae libri duodecim secun- do edendi, quos olim clarissimus vir, dominus VVulfgangus Lazius, medicin[ae] doc- tor, et Ferdinandi imperatoribus romanis historicus, conscripsit et evulgavit; in quibus limitum imperii romani omnium restitutiones, praetoriae, magistratus, muniae, tam militaria quam civilia, exercitus, militum genera universa, legiones cuncte romanae, cohortes, diversae alae equitum, classes, navaliae, stativae, coloniae, municipiae, or- namentae, signae belli pacisque expressae, vestimenta omnis generis et arma, ritus varii, ludi, sacri et sacrifitia; non solum explicantur, et partim iconibus representan- tur, verum etiam comparatione utriusque imperii, tam florescentis et crescentis quam declinantis; utriusque etiam urbis: veteris seu aeternae, et novae Romae, et nostra etiam aetatis, quantum eius vestigia supersunt, referuntur. In hac tamen secunda editione plurima a nobis sunt addita et locupletata, in omnibus libris et capitalibus ferme; quae aut a Lazio omissa, aut eidem incognita fuerunt. Adiecimus enim innu- meras antiquas inscriptiones, cum latinas, tum graecas et hetruscas; nec praetermisi- mus locum aliquem in quo non citaverimus aut inscriptiones vetustas, aut monetas, aut figuras de variis antiquis statuis, tabulis historicis, sepulchralibus monumentis; item eadificiis publicis et aliis rebus. Et omnia quidem a nobis diligentissime explicata et exposita sunt, labore maximo et dexteritate summa. Res profecti cunctis, non solum antiquitatum, verum etiam cunctarum aliarum liberalium artium et facultatum stu- diosis cum maxime necessaria et utilissima, tum etiam laude sempiterna dignissima. [ 48 ] Habeo itidem penes me genealogiam continuatam Mariae virginis, et salvationis nos- tri Jesu Christi ab Adamo primo patre deductam; graeci cuiusdam auctoris cuius no- men tamen non expressum est.