Seite - 914 - in Jacopo Strada and Cultural Patronage at the Imperial Court - The Antique as Innovation, Band 2

914 Appendices [ 49 ] Liber de romanis, graecis et germanis imperatoribus et augustis omnibus, nec non de tyrannis cunctis, qui unquam contra legitimos caesares augustosque imperium roma- num, vel vi et armis, vel fraude ac insidiis, occupare et accipere conati sunt. Additis etiam ipsorum imperatorum et caesarum, atque tyrannorum uxoribus, utrusque sexus liberis, et cognatis proximis. Estque hic liber integra et continuata series, historiaque locupletissima a Caio Julio Caesare incipiens, ac in Rodulpho ii, Romanorum augusto, nunc rerum potiente, desinens. Insertae sunt ipsorum imperatorum effigies, partim delineatae, partim descriptae exactissima fede ex antiquis marmoribus ac archetypus, tum ex aeneis, argenteis et aureis numismatibus. Insertae sunt res plurimae scitu et cognitione dignissimae, nempe de magistratibus romanis variis, de multis ethnicorum diis, sacris, sacrificiis, templis ac operibus publicis, ludis et spectaculis romanis, ac ani- malibus peregrinis. Appositi triumphi, ovationes et consulatus caesarum, augustorum ac tyrannorum consulumque, si quae habere potuimus, numismata. Addite conve- nientibus locis variae antiquae inscriptiones, vel ipsorum imperatorum, vel consulum, vel rerum historiarum mentionem facientes. Insertae praeterea sunt suis locis multae figurae conflictuum et proelionum Romanorum tam contra hostes, quam inter ipsos cives et imperatores ac tyrannos gestorum. Additae item figurae castrorum in vicem oppositorum, […?]mque munitiones; itemque urbium obsidiones et expugnationes, civitatumque ipsarum situm exprimentes, et oculis subiicientes. Accesserunt item locorum provinciarum regionumque inscriptiones et tabulae cosmographicae iustis locis adhaerentes. Adiecte sunt et leges ac rescripta ab uno quoque imperatore edita et promulgata. Omnia ista a nobis summa fide, industria et diligentia, maxime sudore et labore, ingentibusque sumptibus composita et collecta, sicuti opus ipsum, cuique rem ipsam, satis ostendit et declarat. ... NOTE: The second part of version A [Vienna, önb, cod. 10101] of the Index sive cata- logus continues with a list of hundred and fifty-three manuscripts, many of them ‘Sam- melhandschrifte’ collecting several separate works, in all several hundred titles.]