Page - 293 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

5. Die Oberkammer 5.3 Grundbuchsordnungen 50. Grundbuchsordnung ohne Ort, [ca. Mitte 16. Jahrhundert] A StAKl, Hs. 253, fol. 1r–4r. Aufbau: P – 11 §§. Datierung: nach der Schrift. Überlieferungsform: Abschrift. [P] Ordnung und gebrauch beÿ deß gotshauß Closterneuburg grundbuechern , was unnd wievil füer gwör -, khauf-, satz- unnd schreibgellt unnd perckhmaister gerechtigkhait ungevärlichen gegeben unnd genumen werden. [§ 1] Wann man umb erbgründt nuz unnd gwor empfächt, als wann khinnder ir vatter und muetter erben , gibt ein ÿeder erb vom stuckh dem grundtherrn gworgellt 72 pfening, zuschreÿben 12 unnd von der gwor auß zuthuen vier pfening, dem ambtman oder perckhmaister gerechtigkhait 12 d. Wo aber geschwistrett miteinander erben , die etwo brüder oder schwestern gehabt, die abgeleibt unnd khinnder verlassen, demnach dieselben khinnder als einkhl anstatt irer vatter oder muetter erben , es sein derselben vil oder wenig, so gebüert inen gerechtigkhait wie gemelt unnd nicht mer, als der andern irer mitterben, irer vatter oder muetter geschwisteret ainem unnd alß derselben elter. Wo die in leben geben sollen, nach dem inen auch aus der erbschafft nicht mer gebüert, als auf ein person gehört. Deßgleichen wo geschwistrettkhinnder, vatter, mutter, brueder oder schwestern khinder mitteinander erben , nachdem dieselben auf gleichung erben , gwörn gebüert. [§ 2] Unnd dise gerechtigkhait wirdt ervordert unnd gerechnet von der person an, so an der gwör steet, alß offt sich veränderung zuetragen, biß auf den oder die sich von neuen lassen schreiben unnd gwor empfahen unnd den- nen die gründt beleiben. Dann offt und vilmalß ain guet zu dreÿen oder mehrmalß durch erbschafft , geschäfft, heÿrat vermacht, vertrag contract , khauf, außwechsl oder übergab in veränderung und ander hanndt khom- men, das demnach khain gwör überganngen, biß endtlich etwo ainer durch noth gedrungen ain guet zuverkhauffen, so werden sÿ dann gezwungen zum grundtbüech die gworn richtig zumachen; muessen sich alßdann vom grundt und ursprung heer biß auf deß verkhauffers person und wie der grunndt an 293