Page - 725 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

16. Die Donauschifffahrt [§ 5] Er soll auch vleißig aufmerckhen auf die pletten , züllen unnd geschier in- halt gegebnen inventari , darmit die khnecht khaines verrennen oder durch nachlaßigkhaÿt in güßen hinrinnen, sonnder jederzeÿt zeÿtlich fursechunng thuen mit den heffen. Dan wo es befunden, daz derlaÿ aines, wie gemelt, vernachlaißigt wurde unnd glaubwierdig befunden, soll er ein bezaller sein oder aber ein anndere an die stath zuestellen schuldig unnd verbunden sein. Wo es aber durch eÿß oder annder weeg abgerißen unnd hinweekh run, daran er nit schuldig unnd glaubwierdig darthet, soll er darfüer zugeben nichts schuldig sein. [§ 6] Er soll beÿ dem marckhfuerer unnd scheffkhnechten darob sein, daz sie khain frembten anhanng, scheff oder zillen von Wienn oder annder orthen aufwerz anhanngen, dardurch daz scheff roß überladen, daz auch den selbi- gen ordentlich gewart unnd nit vernachlaißigt werden. [§ 7] Ime soll auch alles ernnst unndersagt unnd verbotten sein, über daz roß , so ime von dem gottshauß dargeben unnd underhalten wierdt, ainiges roß für sich selber unbegruest unnd ohn erlaubnus des herrn prelatten zuhalten. [§ 8] Entgegen soll er wochentlich sambt funff scheffkhnechten zu dem urfahr unnd marckhfuer besoldung haben, drey phunndt sechs schilling pheining. Zu urkhundt ist dise bestallung mit vorgenandts herrn prelatten hierundter gestelten hanndtschrifften unnd pedtschaden geferttigt. [E] Geben Closterneuburg den — 16.2 Ordnung für die Schiffsknechte 152. Ordnung für die Schiffsknechte von Propst Adam I. Klosterneuburg, 1677 April 25 A StAKl, K 434, Nr. 21. Aufbau: R – P – 12 §§ – E. Überlieferungsform: Ausfertigung, die vom Propst und den Schiffsknechten gesiegelt und unterschrieben ist. [R] Ordnung und gesatz, was des gotshaus Closterneuburg schöff knecht zut- huen schuldig seindt und was sie hingegen in lohn , essen und drinkhen zufordern haben. 725