Page - 146 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition [§ 1] Erstlich soll er in albeg des gotsh(aus) freihaiten der abschrifft, wie ime zue- gestelt, mit hechst(em) vleiß in allen sachen und innhalltungen hanndhaben, beschuzen, widerwertig hanndlungen verhuetten unnd ablainen, auch die armen unnderthanen , solchermassen in allen billichen und notturftigen sa- chen hilflich und beistendig sein, damit niemandts wider gemellt freihaiten beschwerd, noch dem d gotsh(aus) nichts e enntzogen werde oder ainicherlaÿ abbruch beschehe. Ob sich hanndlung zutetrugen, die er durch sein person an unnser unnd des gotsh(aus) nachtaill nit richten oder abstellen mechte, soll er uns anzaigen, das man mit zeitigem rath zu hanndhabung gemellter freihaiten, alltherkhomen und desselben armb leut gerechtigkhaiten die notturfft unnd billichait hanndlen mög. [§ 2] Was sich zwischen unnsern und des gotsh(aus)f diennern oder underthanen , auch auswenndigen in weltlichen sachen fur khrieg oder ansprach zuetregt, soll er verhör hallten, die ungerechten nach gelegenhait ierer verprechung straffen , die wenndl zu unnsern handen einnemen unnd auf guet reÿttung mit vleiß aufschreiben, die acta seiner handlungen sambt seinen abschieden zu khunfftig gueter underricht registriern lassen. [§ 3] Er soll auch alle pantaiding alls ain hofmaister zuhallten fürnemen unnd sambt anndern, so wir dazue verordnen, besitzen, zuhanndhabung dersel- ben hanndlen, wie sich gepürt unnd von allterherkhomen ist. Wenn es die notturfft erfordert, soll er zu verhorsachen , panthaidingen unnd anndern unnsern des gotshaus unnd desselben armen leut furfallennden hanndlun- gen, des gotshaus officier oder sonnst in vertrauen verwannt leut unnd guet freunndt erfordern, bitten unnd gebrauchen. [§ 4] Er soll beÿ dem gotshaus in allen sachen guete ordnung mit unnsern wissen unnd gefallen furnemen unnd machen, deßhalben soll ainem jeden officier oder hanndler seiner verwesung schrifftlich instruction zuegestellt werden, sich mit ausspeisung oder in annder weg derselben gemeß zuhallten wissen, fur sich selbst auch durch annder hallten, vollziehen unnd hanndhaben, beÿ allen des gotshaus officiern unnd diennern, auch derselben verwesung alls ain gueter hauswiert sein vleissig unnd getreu auf- unnd zuesehen haben, damit allennthalben rechte ordnung unnd guete wiertschafft gehallten, ai- nem jeden sein ordinarÿ gegeben unnd nichts unbillich oder unordennlich beÿ khuchen , kheller , pfisster , im geschierhof unnd reitstall mit essen, d folgt ein gestrichenes Zeichen e über der Zeile ergänzt, ichtes gestrichen f folgt gestrichen: underthanen 146