Page - 147 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

3. Das Hofmeisteramt trinckhen, habern , heÿ , streÿ unnd allen anndern sachen außgeben, verzert oder verschwenndt, sonndern schaden unnd spot verhuet werden. [§ 5] Ob er beÿ ainem oder mer officiern , khnechten unnd dienern, die ime von unnsern wegen gehorsam zulaisten g gelobt sein h oder hernach mit gelubd verstrickht werden, ainicherlaÿ unfleiß, unordnung, untreu oder ungehor- sam befunnde oder erinnert, soll er mit notturfftig unnd geburlicher straff verfaren unnd dermassen einsehung thuen, damit, wie vorbestimbt, in alles guete policeÿ unnd ordnung aufgericht unnd erhallten werde. [§ 6] Er soll auch lautt aines inventarÿ unnsere reitroß mit irer zuegeherung in bevelch haben, beÿ dem reit unnd wagenkhnechten darob sein, das sÿ den rossen vleissig wartten unnd sonnst erlich, zichtig unnd nicht aufruerig hallten, auch die fuer zu des gotshaus notturfft treulich angetaillt unnd in dem gschierhof guet wiertschafft gehallten werde. [§ 7] Die harnaschchamer , geschutz , pulver , khugl unnd annder khriegsnotturff- ten, so diser zeit beÿ dem gotsh(aus) ist unnd hernach darzue khumbt, soll er in guetter huet unnd verbarung haben, zeit seines abzugs sambt allen anndern seinen hanndlungen veranntworttenn. [§ 8] Ob sich khrieg zuetruegen, soll er baide convennt der herrn unnd junck- hfrauencloster in getreuer huet unnd verwarung hallten, retten, schuzen unnd schermen, nach seinem höchstem vermögen dieselben mit speiß von phisster , khuchen unnd kheller nach annzall der personnen durch guet ord- nunng unnd nach gelegenheit der zeit auch mit annder leiblicher notturfft, so beÿ dem gotshaus verhannden, unnderhallten unnd guet aufmerckhen haben, das sÿ dem loblichen gotsdiennst wie bisheer gehallten, tag unnd nach volbringen, ain erlichs geistlichs leben ieres stanndt unnd religion fueren, khainer, ausser gefasster not, aus dem closter khome. Wo sich aber die not so groß zuetrueg, das sÿ sich geferlichait ieres leben halben nit ennthallten möchten unnd ine den haubtman oder hofmaister von nöten gedeicht, sÿ zu pesser versicherung khomen lassen, soll er denselben, die nicht bleiben unnd ir leben retten wollten, helfen, daz sÿ mit eeren zu ierem prellaten khomen mögen, sÿ mit gelubd in des herrn prellaten namen verstrickhen, daz sÿ sich zu demselben stellen, ausser dess soll er khainen weckhzuziehen erlaubnuss geben. g folgt gestrichen: schuld h am linken Rand ergänzt 147