Page - 166 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition [§ 8] 9. Er soll beÿ dem gothauß in allen sachen guete ordnung mit unnsern wissen unnd gefallen fürnemen unnd machen, deshalben soll ainem jeden officier oder hanndler seiner verwesung schrifftlich instruction zue gestelt werden, sich mit ausspeisung oder in annder weg derselben gemeß zu- halten wissen, füer sich selbs auch durch annder halten, volziehen unnd hanndhaben, beÿ allen des gothauß officiern unnd diennern, auch derselben verwesungen, nichts ausgeschlossen, alls ain guetter haußwirdt sein vleisig unnd getreu auf unnd zue sehen haben, darmit allenthalben rechte ordnung unnd guete wirdtschafft gehalten, ainem jeden sein ordÿnarÿ gegeben unnd nicht unbillich oder unordenliche bey kuchl , kheller , phister , im gscherhof unnd reitstall mit essen, trinckhen, habern , heÿ , streÿ unnd allen anndern sachen außgeben, verzert oder verschwenndt, sunder schaden unnd nachtail verhiedt werden. [§ 9] 10. Ob er beÿ ainem oder mer officier , knechten oder diennern, die innen von unnserntwegen gehorsam zue laisten gelobt oder hernach mit gelüb ver- strickht werden (ausser des oberkhellnner, grunndtschreiber , weinkhellner , ränntschreÿber , kuchenmaister , phistermaister unnd vorstmaister , die wier unns mit irenn geluben unnd e ambts raittungen bevor behalten haben wel- len) ainicherlaÿ unnfleiß, unordnung, untreu oder ungehorsam bfunde oder erinndert, soll er unns anzaigen, darauf mit notturffter unnd gebüerlicher straff verfaren unnd dermassen einsehung thuehn, darmit, wie vorbestimbt, albeg guette polliceÿ unnd ordnung aufgericht gehalten werde. [§ 10] 11. Er soll auch nach laut aines inventarÿ unnsere reit roß sambt ierrer zuegehorung im bevelch haben, beÿ den reit khnechten darob sein, das sie den rossen in gemeltem unnserm reitstall vleisig wartten unnd sunst erlich, zichtig unnd nicht aufrierig sich halten. [§ 11] 12. Die harnisch camer , geschitz , pulver , khugl unnd annder khriegs not- turfften, so diser zeit beÿ dem gothauß ist unnd hernach darzue khumbt, soll er inn guetter huet unnd verwarung haben, zu jeder zeit seines abzugs, sambt allen anndern seinen hanndlungen widerumb yberanntwurtten. [§ 12] 13. Wo sich khrieg zutriegen, soll er beÿ unnd an dem gotshauß bleiben unnd des gotshauß unnderthonen , die ier zue flucht hieher wurden haben, soll er mit irem leib unnd guet, wie es stat haben mag, underbringen unnd bevolhen haben. e folgt irrtümlich ein zweites Mal: unnd 166