Page - 167 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

3. Das Hofmeisteramt [§ 13] 14. Wann es die notturfft erfordern würdt, sol er von des gothauß aigen unnd dorfern den fünfften man zuerhaltung des gothauß zeitlichen erfordern unnd in guete ordnung stellen. [§ 14] 15. Mit dem hofgesundt wierdt er zuhanndlen wissen, doch ist von noten, das sich all officier unnd dienner, so nächtlicher zeit ausser des closters gelegen, in solchen leuffen all in daz closter thain unnd daselbst beliben. [§ 15] 16. Er sol in all weg unnutz unnd ÿbrigen costen verhuetten, anzall der personnen, so man unnderhalten mueß, aigentlichen aufschreiben unnd offt abzellen, die türnitz mit ordnung ernnstlich unnd strafflich halten, darmit nicht wider werttigs gehanndlt, noch füergenumen werde. All yberig unnd unnutz personen, die sich beÿ dem closter oder in desselbigen zuegehörigen heusern ennthaltten wolten, soll er abschaffen unnd aufs pöltist wegkht- huen, aber die armen ellenden hauß armen albegen bevolhen haben. [§ 16] 17. Er soll auch jeder zeüt aufsehen unnd vleiß haben, auf daz beÿ nächtlicher weill alle thor gesperrt sein, das durch sein verordnung mit auf- unnd zue- sperrn sumer unnd winder zeütten morgens unnd nachts guet unnd getreu verwarung beschehe. Darumben er den thorhieter mit ernnst darzue hallten soll, das er jeder zeüt bey dem thor sich fünden lasse unnd auf den auß-unnd einganng acht hab, auch ausserr notturfft das ganntz thor nicht sonder allain das thüerl offen lassen. Unnd derselbig thorhietter soll vleissig aufsehen, was man ein- oder außtrag, auch die jenigen, so etwas austragen f, recht fierttie- gen. Es soll auch vorthin das thor jeder zeitt unnder dem essen gespert sein, unnutz auß- unnd einlauffen unnder der mallzeit vermiten bleiben. [§ 17] 18. Unnd namlichen, wann man beÿ dem gothaus wein schenckht, soll er bestellen g, wann sich aufruer zutruegen, das mit der eill zuegeschlagen unnd gespert werde, darmit er sambt des gothauß diennern, die ime auf sein erfordern gehorsam sein sollen, desto stätlicher hanndtlen unnd die aufrierigen zu der straff bringen müege. [§ 18] 19. Ob zu zeitten, zu dem gotshauß versehens oder unversehens ehrlich gest khumen, soll er in unnserm haimbwesen ansagen unnd die selbigen in unnserm nomen empfahen, unnd mit zimbliher notturfft versehen (wie sich aines jeden stannts nach gebiert) gewiertten unnd versehen. f korrigiert aus: austrangen g verbessert aus: destellen; der Fehler ist durch Unterstreichung gekennzeichnet, aber nicht ausgebessert 167