Page - 171 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

3. Das Hofmeisteramt [§ 7] Er soll v beÿ dem gotshauß in allen sachen hofambtleuthen guete ordnung mit vorwissen und gefallen wdeß h(errn) p(rae)latenw furnemen und halten, deshalben soll ainem jeden officier oder hanndler seiner verwesung schrifft- lich instruction zuegestelt werden, sich mit ausspeisung oder in annderweeg denselben gemeß zuhalten wissen, fur sich selbst auch durch annder halten, vollziehen und hanndthaben, beÿ allen des gotshauß officiern und diennern, auch derselben verwesungen, nichts ausgeschlossen, alß ain gueter haus- wiert sein vleissig und getreu auf und zuesehen haben, damit allenthalben rechte ordnung und guete wiertschafft gehalten, ainem yeden sein ordinarÿ gegeben unnd nicht unbillich oder unordenlich beÿ khuechl , kellner, phister , gschierhoff unnd reitstall mit essen, trinkhen, habern , heÿ , streÿ unnd allen anndern sachen ausgeben, verzert oder verschwendt, sonnder schaden und nachtaill verhiet werde. [§ 8] Ob er beÿ ainem oder mer officiern , knechten und diennern (ausser des oberkhellner und grundtschreiber ) ainicherlaÿ unvleiß, unordnung, untreu oder ungehorsam befunde oder erinndert, soll er solches auf der obern ca- mer anzaigen, darauf mit notturfftiger und gebürlicher straff verfarn und dermassen einsehung beschehen muge, damit, wie vorbestimbt, alweg guete polliceÿ und ordnung aufgericht erhalten werde. [§ 9] Er soll auch lauth aines inventarÿ die reitroß sambt irer zuegehörung im bevelch haben, beÿ den reitkhnechten darob sein, das sÿ den rossen in gemeltem reitstall vleissig warten unnd sunst ehrlich, züchtig und nicht aufruerig xoder ungebüerlich sichx halten. [§ 10] Gleichsfalls soll hofmaister sonnderlichen guet aufsehen haben der wagen- roß halben, das inen mit vleiß gewart werde, desgleichen auf dem vorsster , das er sambt den waldt - und aukhnechten seinem ambt vleissig auswarte. [§ 11] Die harnischcamer, geschüz , pulver , kugl unnd annder khriegsnotdurfften, so diser zeit beÿ dem gotshauß ist und hernach darzue khumbt, soll er lauth aines inventari , yime derhalben zugestelldty in gueter huet und verwarung haben, damit nichts davon vergeben, verlorn noch zu nachthaill khume, v folgt gestrichen: auch w –w über der Zeile ergänzt x –x links ergänzt, stattdessen gestrichen: sich y –y am linken Rand mittels Positionszeichen ergänzt 171