Page - 177 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

3. Das Hofmeisteramt horsam befunde oder erindert, soll er solches auf der obercammer anzaigen, darauf mit notturfftiger unnd gebuerlicher straff verfarn unnd dermassen einsehung beschehen müege, damit, wie vorbestimbt, albeg guete polliceÿ unnd ordnung aufgericht, erhalten werde. [§ 9] Er soll auch laut aines inventarÿ die reitroß sambt irer zugehörung im bevelch haben, beÿ dem reitkhnechten darob sein, das sÿ den rossen in gemeltem reitstall vleissig wartten, unnd sunst ehrlich, züchtig unnd nicht aufrüerig oder ungebüerliche sich halten. o [§ 10] Gleichfals soll hofmaister sonnderlichen guet aufsehen haben, der wagenroß halben, das innen mit vleiß gewart werde. p Deßgleichen auf dem vorster , das er sambt den waldt - unnd aukhnechten seinen ambt vleissig außwartte. [§ 11] Die harnisch cammer , geschüz , pulver , khugl unnd annder khriegsnotturff- ten, so diser zeit beÿ dem gottshaus ist unnd hernach darzu khumbt, soll er laut aines inventarÿ ime derhalben zugestellt in guetter huet unnd ver- warung haben, damit nichts davon vergeben, verlorn, noch zu nachtaill khume, sonnder zu q der zeit seines abzugs sambt allen anndern seinen hanndlungen widerumb soll unnd müeg überanndtworten. [§ 12] Wo sich khrieg zuetrüegen, soll er beÿ unnd in dem gottshauß beleiben unnd des gottshaus unndterthonen , die ier zueflucht hieher wuerden haben, mit irem leib unnd gueth, wie es stat haben mag, unndterbringen unnd bevolhen haben. [§ 13] Wenn es die notturfft ervordern wuerdt, soll er von des gottshaus aigen unnd dörffern den fünfften man zuerhalltung des gottshaus zeitlichen ervordern unnd in guette ordnung stellen. o in A ′ unten bzw. am linken Rand ergänzt: Item so sol ehr khein roß auß dem stal lassen nemen, ehr hab den hievor guet wissen, das solchs 〈über der Zeile 〉 mit deß herrn prelaten vorwissen besche[h]en und wan ehr etwo den herrn conventualn 〈über der Zeile 〉, officiern , schreibern oder sonst andern deß gottßhauß dienern in desselben sachen unnd geschefft ain roß auß den reidstall geben mieß, das ehr 〈folgt solchs gestrichen 〉 alletzeid nach gelegenheid der person und wie ehr zue reitten qualificiert ist, acht gebe wan veror(. . . ) 〈über der Zeile ergänzt, Ende unlesbar 〉 roß , damit die gueten roß durch ungeschickligkhait unnd unerfahrenhait des reutters die besten roß nicht, wie dan offd beschehen, verderbt werden. p in A ′ am linken Rand ergänzt: auch alle morgen frue, ehr 〈folgen zwei getilgte Wörter 〉 sie zue ainiger arbeid gebracht werden, besueg und von den gschiermaister versten- digdt werden, wohin man ainen jeden zug brauchen, weillen damit ehr den hern prelaten , wen ehr darumb gefragdt wiert, guete relation thuen khan. q folgen zwei getilgte Buchstaben 177