Page - 191 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

3. Das Hofmeisteramt [§ 10] Er soll auch lauth aines inventarÿ die reitroß sambt irer zuegehörung im bevelch haben, bei den reitkhnechten darob sein, das sÿ den rossen in ge- melten reitstall vleissig wartten und sunst ehrlich, züchtig und nit aufrierig oder ungebürlich sich halten. [§ 11] Gleichfals soll hofmaister sonnderlichen guet aufsehen haben, der wagenroß halben, das innen mit vleiß gewart werde, deßgleichen auf den forsster vv, das er sambt den waldt - und aukhnechten seinen ambt vleissig außwartte. ww [§ 12] Die harnisch cammer , geschüz , pulver , khugl und ander khriegsnotturfften, so diser zeit bei dem gotshauß ist und hernach darzue khumbt, soll er laut aines inventarÿum ime derhalben zuegestelt in gueter hüet verwarung halten, damit nichts davon vergeben, verlohren noch zu nachthail khume, sonnder zu der zeit seines abzugs, sambt allen anndern seinen hanndlungen widerumb soll und müg uberanttworten. [§ 13] Wo sich khrieg zuetruegen, soll er bei und in dem gottshauß bleiben und des gottshauß unnderthonen , die ire zuflucht hieherrue[n]den haben, mit irem leib und guet, wie es statt haben mag, underbringen und bevolhen haben. Wann es die notturfft ervordern würdt, soll er von des gottshauß aÿgen unnd dorffern den dreissigisten und zeheten und fünfften mann, nach dem es von nötten, zue erhaltung des gottshauß zeitlichen ervordern und in guete ordnung stellen. [§ 14] Mit dem hofgesindt würdt er zuhanndlen wissen und fürnemblich alle abendt sein fleissig aufmerckhen haben, das alle officier unnd dienner, so nächtlicher zeit in dem closter zuligen verpunden, nicht in der statt oder annder orthen sich aufhalten, die ubertretter auch destwegen ohne verscho- nung bestraffen. [§ 15] Item er soll auf den pfistermaister und sein gesindt als mülner und peckhen , ire junger und sackhtrager vleissig aufsehen, damit ires pachen, mallen und auspeisen halben dem gottshauß nit schaden ervolg. [§ 16] Er soll in allweeg unnuz und uberigen cossten verhüetten, heimbliche und winkhelfressereÿen bei tag und nacht in dem khellerstübl und sonnst ann- derer orthen ipso facto abschaffen, die anzahl der persohnen, so man un- derhalten mueß, aigentlich aufschreiben und offt zellen. Item in der tierniz vv in A ′ über der Zeile ergänzt und gestrichen: und maÿer ww folgt in A ′: in simili vom spittlmaister und maÿr zuverstehen 191