Page - 196 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition anndern darzue verordnen e wollte, sonsten soll man zue hanndthabung derselben hanndlen, wie sich gebiert unnd von altter herkhommen ist. [§ 6] Unnd wo hofmaister sambt den verordneten persohnen, auch dem ränndt- schreiber , panthädung haltten wierdt, soll er khein richter oder ambtman ändern oder bemiessigen, es seÿe dann dem gotshauß alle steür unnd diennst inn seiner ambtsverwalttung versessen, zuvor bezalt. [§ 7] Die hanndtlungen, erbschafften unnd grünndt belangendt, gehörn auch auf die obercammer , doch da hofmaister von beÿstandt wegen darzue berueffen, soll er sich guetwillig brauchen lassen. [§ 8] Er soll beÿ des gotshauß hoff ambtleüthen in allen sachen guete ordnung mit vorwissen und gefallen deß herren praelaten fürnemben, dieselb in ausspei- ßung weinn , brott unnd in all annder weeg für sich selbs auch durch annder haltten, volziechen und handthaben, beÿ allen deß gotshauß officieren und dienern, niemandts außgeschloßen, als ain guetter haußwierth sein vleißig unnd getreu auf- unnd zuesehen haben, damit allenthalben rechte ordnung unnd guete wierttschafft gehaltten, ainen jeden, so wüerckhlich dient und nicht verschickht wierdt, noch mit ier gnaden sich zu Wienn befindt, auf welliche in der wochenzetl durch auß nichts zue passiern, sein ordinari gegeben unnd nicht unbillich oder unordentlich beÿ khuchl , kheller , pfister , geschierhoff unnd reitstall mit essen, trinckhen, habern , heu , streu unnd allen sollichen außgaben verzert oder verschwendt, sonnder schaden und nachtheil verhüet werde. [§ 9] Ob er beÿ ainem oder mehr officieren , khnechten und diennern (ausser deß grundtschreiber ) ainicherlaÿ unfleiß, unordnung, untreu oder ungehorsamb befunde oder erindert, soll er solliches auf der obern cammer anzaigen, darauf mit nottürfftiger unnd gebierlicher straff verfahren unnd dermaßen einsehung beschechen möge, damit, wie vorbestimbt, allweeg guette polliceÿ unnd ordnung aufgericht erhaltten werde. [§ 10] Auf das man aber aigentlich wissenschafft haben müge, wie aller orten gehaust werde unnd alle eingerissene unordnung alsbald abgestelt unnd khünfftige verschwendung verhiettet, soll er alle wochen am Montag ime die wochenzetel auß dem kheller , khuchel , pfister , spittal , forstambt unnd anndern notwenndigen orthen fleissig unnd unverlengt überanndtwort- ten lassen, dieselben alsbaldt sambt denen hierzue verordneten persohnen durchsechen, mit einannder conferieren unnd waß unrecht verzaichnen, e so in B, in A irrtümlich: verordnetenn; C: verordenten 196