Page - 208 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition auf der ober cammer in beÿsein der verordneten persohnen verhörn , die un- gerechten nach gelegenheit ihres verbrechen straffen , doch ihr g(naden) die milterung oder aufhebung der straff in alweeg bevor behalten. Alle pöenfähl unnd wandel soll er auf die ober cammer jederzeit über antwordten unnd auf guete raitung vleissig aufschreiben, die acta seiner handlungen sambt den abschieden zu khunftiger gueter unterricht unverlengt registriren unnd sein jährliches prothocol darauf halten unnd monathlichen oder wan es die notturfft erfordert, dest wegen zeitliche relation thuen. [§ 4] Hoffmaister soll auch für sich selbst khain vertrag oder khauffbrieff hinauß zugeben unterstehen, wie auch khein testament in abwesen herrn ober khel- ler eröffnen, er seÿ dan vom geordtneten herrn oberkheller an stat des herrn praelathen von grunndtobrigkheit wegen underschriben unnd verfertigt etc. [§ 5] Er solle auch khein panthadung ohne vorwissen unnd verwilligung des herrn praelathen zue halten fürnemben, sonder solches ihme jederzeit zuevor anzaigen, ob er beÿ solchen panthädungen selbst auch sein oder jemants andern darzue verordtnen wolte, sonsten soll man zue handt habung der selben handlen, wie sich b gebührt unnd von alter herkhomben ist etc. [§ 6] Unnd wo hoffmaister sambt den verordtneten persohnen, auch dem ränndt- schreiber , panthädung halten wüerdt, solle er khein richter oder ambt man ändern oder bemüessigen, es seÿe dan dem gottshaus alle steur unnd dienst in seiner ambts verwaltung zue vor bezalt etc. [§ 7] Die hanndlungen, erbschafften unnd gründt belangent gehörn auch auf die ober cammer , doch da hoffmaister von beÿstandt wegen darzue berueffen, soll er sich guet willig brauchen lassen. [§ 8] Er soll beÿ deß gottshauß hoffambtleüthen in allen sachen guet ordnung mit vorwissen unnd gefallen des herrn praelathen fürnemben, die selb in außspeisung wein , prodt unnd in all andere weeg für sich selbst auch durch andere halten, volziechen unnd handthaben, beÿ allen deß gottshauß offici- ern unnd diennern, niemandts ausßgeschlossen, alß ain gueter haußwüerdt sein vleissig unnd gethreü auf- unnd zuesehen haben, damit allenthalben rechte ordnung unnd guete wüerdtschafft gehalten, ainen jeden, so würckh- lich dient unnd nit verschickht wüerdt, noch mit ihr g(naden) sich zue Wien befindt auf welche in der wochen zetl durch auß nichts zu passiern, sein ordinarÿ gegeben unnd nicht unbillich oder unordnlich beÿ khuchl , kheller , pfister , geschirhoff und reithstall mit essen, trinckhen, habern , heü , streü b verbessert aus: sie 208